Fréttablaðið - 17.12.2009, Blaðsíða 8

8 17. desember 2009 FIMMTUDAGUR
1. Hvað hafa ástralskir vísinda-
menn séð hryggleysingja gera í
fyrsta sinn?
2. Hve margir Reykvíkingar
tóku þátt í fyrstu netkosning-
unni um forgangsröðun fram-
kvæmda hjá borginni?
3. Hvað heitir erlendi kvik-
myndaleikstjórinn sem
niðurgreiðir hér námskeið í
inn hverfri íhugun?
SVÖRIN ERU Á SÍÐU 82
SAMA VERÐ
fyrir alla jólapakka
hvert á land sem er
Hámarksþyngd 30 kg eða 0,1 m3
Við erum sérfræðingar
í matvælaflutningum
Upplýsingar um afgreiðslustaði og opnunartíma
er að finna á landflutningar.is
790 kr.
DÓMSMÁL Tveir karlmenn hafa verið
dæmdir í tveggja og hálfs árs fang-
elsi fyrir að reyna að smygla til
landsins tæplega sex þúsund fíkni-
efnatöflum, sem innihéldu meðal
annars metamfetamín. Mennirn-
ir, Marcin Piotr Gosz og Apoldeusz
Wincenty Wroblewski, eru báðir
pólskir ríkisborgarar. Dómurinn
var kveðinn upp í Héraðsdómi
Reykjaness.
Fíkniefnin fundust í farangri
mannanna þegar þeir komu til
landsins með flugi í september síð-
astliðnum frá Varsjá. Þeir höfðu
falið þau í niðursuðudósum.
Annar mannanna bar að hann
hefði verið þvingaður til að fara til
Íslands með pakka sem hann vissi
ekki hvað var í. Hefði hópur karl-
manna komið á heimili hans í Pól-
landi 4. eða 5. september og sagt
honum að hann ætti að fara með
pakka til Íslands og að þeir myndu
meiða hann og son hans ef hann
yrði ekki við kröfu þeirra.
Hinn maðurinn sagðist hafa
keypt niðursuðudósirnar sem hann
var með á markaði í Varsjá skömmu
áður en hann lagði upp í ferðina.
Hann hefði ekki vitað betur en að
einungis væri kjötmeti í þeim.
Mennirnir kváðust ekki þekkja
hvor annan. Dómurinn taldi sann-
að að þeir hefðu ætlað að smygla
töflunum hingað til lands. - jss
Tveir karlmenn dæmdir í tveggja og hálfs árs fangelsi:
Reyndu að smygla tæplega
sex þúsund töflum til landsins
METAMFETAMÍN Töflurnar innihéldu,
auk annars, metamfetamín.
LÖGREGLUMÁL Rúmenskur karl-
maður var tekinn með rúmt hálft
kíló af kókaíni við komuna til
landsins um helgina. Hann var
með efnin innvortis en skilaði
þeim fljótlega af sér.
Maðurinn var að koma hing-
að til lands frá Kaupmannahöfn.
Tollgæsla stöðvaði hann við
hefðbundið eftirlit. Hann var
úrskurðaður í gæsluvarðhald til
22. desember.
Lögreglan á Suðurnesjum
rannsakar málið. Maðurinn er
talinn hafa verið burðardýr og
snýr rannsóknin meðal annars að
því að finna tengilið hans hér á
landi. - jss
Rúmenskur maður tekinn:
Var með hálft
kíló af kókaíni
DÓMSTÓLAR Dómsmálaráðherra,
Ragna Árnadóttir, hefur lagt til
að heimilt verði að fjölga héraðs-
dómurum tímabundið.
Ráðherra hefur mælt fyrir
frumvarpi um breytingar á
lögum um dómstóla þar sem lagt
er til að heimilt verði að fjölga
héraðsdómurum tímabundið um
fimm, úr 38 í 43.
Gert er ráð fyrir að dómarar
verði 43 fram til 1. janúar 2013.
Eftir þann tíma skuli ekki skipa í
embætti héraðsdómara sem losna
fyrr en þess gerist þörf, þar til
dómarar í héraði verða aftur 38
að tölu. Auk þess er gert ráð fyrir
að löglærðum aðstoðarmönnum
héraðsdómara verði fjölgað um
fimm.
Ráðherra benti í framsögu-
ræðu sinni á að þeir atburðir sem
leiddu til falls bankanna síðast-
liðið haust hafi haft mikil áhrif á
stofnanir réttarvörslukerfisins.
Búast megi við að dómstólarnir
þurfi að takast á við aukinn fjölda
sakamála vegna efnahagsbrota,
meðal annars í kjölfar rannsókna
hjá embætti sérstaks saksóknara.
Þá megi gera ráð fyrir auknum
fjölda einkamála fyrir dómstól-
um þar með talið kærumálum
vegna slita á fjármálafyrirtækj-
um.
- jss
Dómsmálaráðherra mælir fyrir frumvarpi um breytingu á lögum um dómstóla:
Vill fjölga héraðsdómurum
RAGNA ÁRNADÓTTIR Héraðsdómurum
verði fjölgað tímabundið.
MENNTAMÁL Samband íslenskra
sveitarfélaga hefur lagt fram til-
lögur sem gera myndu sveitar-
félögunum kleift að svara hagræð-
ingarkröfu innan grunnskólanna á
næstu tveimur skólaárum. Sú leið
sem er talin líklegust til árangurs
felur í sér skerðingu á kennslu sem
nemur þremur til fimm stundum á
viku að hámarki.
Tillögurnar fela í sér að heimilað
verði að stytta vikulegan kennslu-
tíma, að heimilað verði að færa til
kennslumagn á milli tímabila og að
skólaárið verði stytt úr 180 dögum í
170. Allar leiðirnar eru taldar spara
um 1,5 milljarða króna.
Samkvæmt heimildum Frétta-
blaðsins er helst horft til þeirrar
leiðar að stytta vikulegan kennslu-
tíma, svokallaðrar 5-4-3 leiðar.
Þar er vísað til þess hversu marg-
ar kennslustundir yrðu skornar af
kennslu eftir aldri barna og færri
eftir því sem barnið er yngra.
Það sem er mikilvægt við þessa
leið er að ekki þyrfti að hrófla við
kjarasamningum. Stytting skóla-
ársins krefst breytingar á kjara-
samningum og heimildir Frétta-
blaðsins herma að sú leið hafi verið
blásin út af borðinu vegna andstöðu
kennara.
Eiríkur Jónsson, formaður Kenn-
arasambands Íslands, segir að 5-4-
3 leiðin komi ekki frekar til greina
en stytting skólaársins. Þessi leið
hafi verið farin á sínum tíma og
kallað yfir þjóðina tímabil verk-
falla og átaka. „Ég trúi því ekki að
menntamálaráðherra láti sér detta
það í hug að verða við þessu. Þetta
er arfavitlaust.“
Eiríkur segir það ekki ganga
upp að tala um hagræðingu í þessu
sambandi því um sé að ræða grófan
niðurskurð og þjónustuskerðingu
sem verið sé að boða. Það skipti
heldur engu máli að málið sé kynnt
með þeim hætti að breytingarn-
ar eigi aðeins að ná til tveggja ára.
Sjálfgefið sé að ekki verði snúið til
baka fyrr en eftir langan tíma. Svo
séu þessar breytingar í grunninn
brot á réttindum þeirra barna sem
gangi í grunnskóla á þeim tíma sem
þær nái til.
Halldór Halldórsson, fram-
kvæmdastjóri Sambands íslenskra
sveitarfélaga, segir að verði þess-
um hugmyndum hafnað sé ljóst að
hvert og eitt sveitarfélag verði að
leita sinna eigin leiða til að ná þeirri
miklu hagræðingu sem þurfi innan
grunnskólans og sveitarfélagana í
heild.
Halldór undirstrikar að sveitar-
félögin muni verja störf fram í rauð-
an dauðan. Hins vegar sé honum
ljós afstaða kennara. Því megi segja
að menntamálaráðherra sé á milli
steins og sleggju. svavar@frettabladid.is
Kennarar vilja ekki
sjá leið sveitarfélaga
Sveitarfélögin hafa kynnt menntamálaráðherra leiðir til að ná 1,5 milljarða
sparnaði á ári í grunnskólunum. Nokkrar leiðir geta náð settu marki en kenn-
arar segja þær allar jafn slæmar og hafna þeim með alfarið.
KRAKKAR Í FLATASKÓLA Ekki er síst tekist á um hvort fækkun kennslustunda rýri
gæði skólastarfsins og hvort brotið sé á réttindum barna. FRÉTTABLAÐIÐ/GVA
VEISTU SVARIÐ?