Fréttablaðið - 17.12.2009, Qupperneq 24

24 17. desember 2009 FIMMTUDAGUR
Nokkur þúsund mótmælendur
marseruðu fylktu liði að Bella
Center í gær. Markmiðið var
ekki veigalítið; taka átti stjórn-
ina á ráðstefnunni yfir í einn
dag og færa hana aftur til fólks-
ins. Lögreglan hafði mikinn við-
búnað, enda vissu allir sem vita
vildu hvað í vændum var. Mót-
mælendum má skipta í tvennt.
Bláa blokkin fór eftir fyrir fram
skipulögðum lögregluleiðum að
ráðstefnunni og að svæði þar sem
halda átti þing fólksins. Græna
blokkin, minni og hreyfanlegri
einingar, kom hins vegar úr ann-
arri átt, úr suðvestri. Hennar var
að rjúfa girðingarnar.
Tvískipting
Segja má að mótmælahreyfingin
hér í kringum ráðstefnuna skiptist
eftir þessum línum. Annars vegar
er það hópur sem kallar sig Civic
Action. Hann boðar borgaralega
óhlýðni, að standa uppi í hárinu á
yfirvöldum og að nýta sér stjórn-
arskrárbundinn rétt sinn til að tjá
skoðun sína. Þetta eru að mestu
heimamenn, þó að vissulega hafi
margir lagt land undir fót til að
koma skoðunum sínum á fram-
færi.
Til hliðar við þennan stóra hóp
er mun minni sem kallar sig Black
Block, svörtu hreyfinguna. Það eru
aðgerðasinnarnir. Félagar í henni
hylja gjarnan andlit sín með svört-
um klútum eða lambhúshettum og
hafa það yfirlýsta markmið að tak-
ast á við löregluna.
Ekki eru allir mótmælendur
sáttir við framgang þessa róttæka
hóps. Mótmælendur sem Frétta-
blaðið ræddi við sögðu sumir hverj-
ir að aðgerðir þeirra skiluðu engum
árangri og gæfu lögreglunni afsök-
un fyrir því að handtaka hundruð
manna. Félagar í Black Block svör-
uðu þeim ásökunum engu; litu á
blaðamanninn sem fulltrúa valds-
ins sem ekki þyrfti að svara.
Átök
Það var löngu vitað að í odda
skærist í gær, þetta var einn af
boðuðum stórmótmæladögum.
Síðasti slíkur er á morgun. Átök-
in komu því fáum á óvart og lög-
reglan hefur sýnt síðustu daga að
hún beitir hörðum og árangurs-
ríkum aðgerðum og er óhrædd
við taka fólk fast fyrir litlar sem
engar ástæður.
Hún hafði lokað Bella Center
af og mótmælendur komust því
aldrei að girðingunni. Þegar þeir
reyndu það lét lögreglan til skar-
ar skríða og barði mótmælend-
ur með kylfum og úðaði pipar-
úða. Fjölmargir voru handteknir
og hlúð var að mörgum, ekki síst
vegna úðans.
Átök brutust út víða við ráð-
stefnuhöllina; tekist var á um
risastóra uppblásna stranddýnu
sem mótmælendur notuðu sem
púða á milli sín og lögreglu. Hún
hélt ekki lengi.
Lögreglan tók fólk hvar sem
hún hafði grun um að einhver úr
aðgerðasinnahreyfingunni væri.
Hún lét stóra hópa afskiptalausa,
fólk sem hún taldi vera í hinum
friðsamari geira mótmælenda.
Hefði hún grun um að aðgerða-
sinni leyndist þar á meðal voru
hins vegar allir handteknir.
Vegna átakanna varð að loka
jarðlestarstöðinni við Bella Cent-
er og strætisvagnar komust ekki
nærri um hríð. Það varð til þess
að fjöldi fulltrúa frjálsra félaga-
samtaka, sem hafði ætlað að taka
þátt í hliðarviðburðum komst ekki
inn. Þar réði reyndar einnig hve
illa hefur gengið að skrá fólk inn á
ráðstefnuna. Félagar þeirra innan-
dyra brugðust illa við þeim tíðind-
um og settust í hóp á gólfið inni í
ráðstefnuhöllinni. Þeir neituðu að
hreyfa sig fyrr en réttlátum sam-
ingum hefði verið náð og hófu að
lesa nöfn allra félaganna sem ekki
komust inn. Öryggisgæsla innan-
dyra fjarlægði hópinn þó innan
tíðar. Danir eru nú að skipuleggja
annað húsnæði fyrir fulltrúana
sem ekki komust inn.
Lítið varð um að fulltrúar í
Bella Center gengju til liðs við
ráðstefnu fólksins, en til þess
hafði verið hvatt með dreifirit-
um.
Búast má við átökum aftur á
morgun. en þá kemur Obama til
Kaupmannahafnar, auk þess sem
ráðstefnunni lýkur.
Kylfusláttur í Kaupmannahöfn
Mótmælendur gerðu tilraun til að taka yfir ráðstefnuhöllina í Kaupmannahöfn í gær. Lögreglan var mætt vopnum skrýdd og lét
höggin dynja á mótmælendum og úðaði piparúða. Mótmælendum tókst þó að hafa áhrif á ráðstefuna með aðgerðum sínum.
Loftslagsráðstefnan í Kaupmannahöfn
KOLBEINN ÓTTARSSON PROPPÉ
skrifar frá Kaupmannahöfn
kolbeinn@frettabladid.is
FYLKINGAR MÆTAST Lögreglusveitir Kaupmannahafnar beittu táragasi og handtóku
hundruð mótmælenda. NORDICPHOTOS/AFP
MÓTMÆLENDUR BUGAÐIR Fílefldir lögreglumenn tóku mótmælendur engum vettlingatökum fyrir utan Bella Center. NORDICPHOTOS/AFP
Í PLASTJÁRNUM Lögreglumaður leiðir mótmælanda. NORDICPHOTOS/AFP
SETTUST Á GÓLFIÐ Hópur ráðstefnugesta krafðist þess að félagar þeirra utandyra
fengju að komast inn. FRÉTTABLAÐIÐ/KOLBEINN
Upplýsingar um útsölustaði á
www.raymond-weil.com