Vikan - 13.01.1972, Blaðsíða 26

Pinnabrauð er sá matur sem hæf-
ir í boðum, bæði fyrir smáa og
stóra hópa. Hér fara á eftir 25 til-
lögur að pinnabrauði, en tökum
fyrst nokkrar algildar reglur við
þsesa matargerð.
Ekkert pinnabrauð má vera
stærra en svo að hægt sé að borða
það í einum munnbita. Það er ca.
á stærð við krónupening.
Allt álegg og skraut verður að
vera hæfilegt að stærð og ná-
kvæmt svo það virki ekki handa-
hófskennt á brauðinu og ósnyrti-
legt.
Smyrjið helzt pinnabrauðið eft-
ir tegundum. Setjið t. d. allt kjöt-
áleggið á í einu, þá salat, og að
síðustu skraut. Það léttir vinnuna
og flýtir fyrir. Og brauðið virkar
áþekkara. Pinnabrauðið má sem
hægast smyrja 2—3 tímum áður
en það er borðað og geymast í
kæliskápnum.
Séu fleiri en 5—6 manns þarf
að bera brauðið fram á fleiri en
einum bakka.
Pinnabrauð má bera fram með
hanastéli, sherry, sem forréttur á
undan miðdegisverði eða morg-
unverði, með te eða kaffi eða sem
náttverður.
Og þannig gerum við pinna-
brauð:
1. Skerið brauðið í þríhyrning
eða ferning eða kringlótt og
stærðin ca. eins og krónupening-
ur. Ef smjör er haft á brauðinu er
bezt að smyrja það áður en skor-
ið er niður í smábita.
2. Setjið aðaláleggið á og ef
vill dálítinn salatblaðsbita á það.
3. Festið siðan skrautinu, 2—3
mismunandi tegundum, með tann-
stöngli úr plasti eða tré.
o—o
1. Franskbrauðsferningur með
mildum osti og hlaupi, t. d. sól-
berja eða rifsberjáhlaupi.
2. Hyljið franskbrauðsferning
með skinku, setjið piparrótarrjóma
á og skreytið með tómatræmu.
3. Þríhyrndur rúgbrauðsbiti
með tómatsneið. Pylsubiti, s. s.
spægipylsa þar á með hálfri fylltri
ólívu.
4. Franskbrauðssneið kringlótt,
smurð með mayonessi. Túnfiskur
í olíu settur þar á. Skreytið með
hálfri eggjasneið og tómatstrimli.
. 5. Ferningsrúgbrauðsbiti með
skinku, skreyttum með ananasbita
og mandarínubáti.
6. Franskbrauðshálfmáni smurð-
ur, salatblað sett ofan á. Setjið
klump af smurosti ofan á og ban-
anasneið. Kreistið sítrónudropa
yfir bananasneiðina.
7. Smyrjið ferkantaða rúg-
brauðssneið með sinnepi. Skinka
lögð yfir. Aspasbiti þar ofan á og
dillgrein.
8. Ferkantað rúgbrauð smurt
með lifrarkæfu, sem hrærð er
upp með rjóma. Skreytið með
svörtu vínberi.
9. Smyrjið ferkantað rúgbrauð
með mayonessi, sem bragðað er
til með piparrót. Grænt salat lagt
á. Rúllið sneið af roast-beef um-
pickles og setjið ofan á með stein-
selju.
10. Smyrjið ferkantaðan fransk-
brauðsbita, setjið þar á tungu,
rúllaða um hrærð egg. Skreytið
með karsa eða steinselju.
11. Rúgbrauðsferningur smurð-
ur með lifrarkæfu. Skinkukramar-
hús sett á og inn í kramarhúsið
er sett vínber.
12. Rúgbrauðsþríhyrningur og
hyljið með soðinni tungu. Skreyt-
ið með piparrótarmayonesse og
sneið af sultaðri asíu.
13. Smyrjið kringlótta fransk-
brauðssneið með niðursoðinni ap-
ríkósu, .fylltri með sýrðum rjóma
(créme fraiche) og skreytið með
steinselju.
14. Smyrjið rúgbrauðsþríhyrn-
ing með smurosti eða grænum
alpaosti. Skreytið með grænu og
fylltri ólívu.
15. Smyrjið rúgbrauðsþríhyrn-
ing með karrýmayonesse, hyljið
með kjöti t. d. kálfakjöti, setjið
dálítinn tómatkraft yfir og skreyt-
ið með steinselju.
16. Smyrjið franskbrauðsþrí-
hyrning með remoulaðisósu, eða
maýonesse sem bragðað er til með
fíntsaxaðri, sýrðri agúrku, kapers
og steinselju. Leggið sneið af ro-
ast beef ofan á. Skreytið með
þunnri lauksneið, kaperskornum
og steinselju.
17. Smyrjið franskbrauðsþrí-
hyrning með karrýmayonesse. —
Hyljið með grænu salati. Hyljið
með soðnu hænsnakjöti. Skreytið
með kavíar, hrærðum upp með
dál. mayonesse.
18. Smyrjið rúgbrauðsferning.
Hyljið með steiktum kjúklingi.
Skreytið með ananasbita og coc-
tailberi.
19. Smyrjið heilhveitibrauð með
fínni lifrarkæfu. Skreytið með
skinkurúllu og mandarlnubáti.
20. Smyrjið franskbrauðssneið
kringlótta. Leggið grænt salat á
sneiðina. Leggið kálfakjötssneið á
og skreytið með hleyptu soði og
steinselju.
21. Smyrjið rúgbrauðsferning.
Hyljið með osti og skreytið með
mandarínubáti.
22. Smyrjið rúgbrauðsferning.
Hyljið með grænu salati. Setjið ost
á og blátt vínber.
23. Smyrjið franskbrauðsfern-
ing með mósuðum sardinum i
tómat (takið hrygginn úr) blandið
með rifinni piparrót og steinselju
(saxaðri). Skreytið með grænu sal-
ati og fylltri ólívu.
24. Setjið túnfisk í oliu á
franskbrauðsferning. — Setjið
agúrkusneið á mayonessetopp sem
er vel kryddaður með sítrónusafa.
25. Smyrjið heilhveitibrauðs-
ferning með góðri lifrarkæfu. —
Skreytið með steiktu fleski og
tómatstrimli.
26 VIKAN 2. TBL.
-á