Vikan - 08.02.1973, Side 7

MIG DREYMDI
KIRKJUBRUNI
Kæri draumráSandi!
Mig langar til að biðja þig að ráða íyrir mig draum, sem
mig dreymdi fyrir stuttu. Hann er svona:
Mér fannst ég vera stödd í kirkjunni hér í þorpinu, sem
ég bý í. Fannst mér ég vera þar fyrir altari í hlutverki
prestsins, íklædd hvítum skrúða. Ekki fannst mér það sem
ég las líkjast neitt því, sem ég á að venjast, að prestar fari
með. Ég var mjög óánægð með frammistöðu mína í þessu
hlutverki.
Er þessari athöfn í kirkjunni var lokið og allir komnir
út, fannst mér faðir minn eiga að slökkva ljósin og læsa
kirkjunni., Ég var komin út á götu, þegar hann kemur
hlaupandi til mín og er þá búinn að þessu. Verður mér þá
litið til kirkjunnar og bregður mjög, er ég sé að logar upp
úr þakinu á skrúðhúsinu. Faðir minn stekkur af stað og
kemst einhvern veginn upp á þakið, þar sem eldurinn er
og þar að þakglugga (sem þar er ekki nema í draumnum),
en ég hrópa til hans að opna ekki gluggann.
Mér finnst að eldurinn hafi kviknað út frá gasi,. sem
kirkjan sé annað hvort lýst eða hituð upp með (en hún er
það ekki í raunveruleikanum).
Síðan erum við allt í einu komin inn í kirkjuna til þess
að gá betur að þessu. Mig minnir, að fleira fólk hafi verið
með okkur.
En þá sést enginn eldur í kirkjunni. Ekki var ég neitt
hissa á því í draumnum.
Með fyrirfram þökk fyrir ráðninguna. S.H.
Það er venjulega fyrir mótlæti að dreyma að maður sé
í kirkju, einkum ef messan fer öll eðlilega fram. Nú er
því ekki til að dreifa í þessum draumi. Og eldur táknar
reiði, ósamkomulag, eyðslusemi, háska eða eignatjón. Eld-
urinn í kirkjunni var enginn eldur, þegar til kom. Þess
vegna álítum við, að draumurinn sé fyrir yfirvofandi
hættu, sem góðu heilli tekst að sneiða lijá.
STJÖRNUHRAP
Kæri draumráðandi!
Mig langar til að biðja þig að ráða eftirfarandi draum:
Mig dreymdi, að ég var stödd alein um kvöld einhvers
staðar í námunda við Skúlagötuna. Allavega var ég stödd
við sjóinn, en samt var umhverfið hálf óraunverulegt mið-
að við það sem er í dag.
Ég var á leið heim. Sé ég þá allt í einu mjög skæra
stjörnu á himninum. Skyndilega fer hún af stað og stefnir
niður til mín með óskaplegri birtu. Mér varð dálítið illa
við og segi við sjálfa mig:
„Þetta er einhver vitrun“.
En þegar stjarnan er komin talsvert nálægt mér, breytir
hún um stefnu og steypist í sjóinn að mér fannst alveg í
hafsauga. Samstundis slokkna öll ljós í borginni, og allt
verður niðadimmt. Síðan komu óskaplega miklar þrumur
og hávaði. Mér fannst sjórinn lyftast upp í himinhæð. Eg
hrópaði upp „Ragnarök" og endurtók það tvisvar.
Loks varð allt kolsvart.
Þegar ég rankaði við mér, var ég stödd á eyju langt úti
í hafi. Allt var orðið kyrrt. Sjórinn var rennisléttur og
himinblár og tær. Allt var svo hreint og fallegt, og þegar
ég lít á mig, er ég kviknakin. Ég tók að svipast um á eynni.
Hún var ósköp lítil. Ég hefði getað gengið um hana á nokkr-
um mínútum. Þarna var enginn nema ég og maðurinn
minn og sonur okkar lítill. Þeir voru báðir naktir líka.
Mér datt fyrst í hug, hvað ég ætti að gefa barninu að
borða, því að ekkert líf var á eynni, ekkert nema gras-
toppar hér og þar.
Og við það vaknaði ég.
Mig langar að taka fram, að ég er þónokkuð berdreymin,
en þennan draum skil ég ekki.
Með fyrirfram þakklæti fyrir ráðninguna. H.K.
Þennan drauni er erfitt að ráða. Eitt er þó víst: Hann
táknar undur og stórmerki. Þegar þetta er skrifað, eru
hinar ægilegu náttúruhamfarir í Vestmannaeyjum í al-
gleymingi cg hugurinn hvikar ekki frá þeim. Er ekki hugs-
anlegt, að þig hafi dreymt fyrir þessum atburðum? Þú ert
að vísu búsett í Reykjavík. en það þarf ekki að breyta
neinu. Ef þessi tilgáta er rétt, þá má bæta því við, að sam-
kvæmt draumnum munu Vestmannaeyingar hverfa aftur
til eyiar sinnar og hefja þar búsetu á nýjan Ieik. Guð
gefi, að svo megi verða. Að lokum má geta þess, að bréfið
er dagsett 18. janúar, en eldgosið hófst sm kunnugt er að-
faranótt 22. jrnúar.
AÐ LEIÐAST EFTIR LÖNGUM VEGI
Kæri draumráðandi!
Mig langar að biðja þig að ráða fyrir mig þennan draum:
Mér fannst vinkona mín og kærastinn hennar (Þau voru
ekki saman um þetta leyti) takast í hendur og leiðast eftir
löngum, auðum vegi. Kemur þá til mín strákur, sem ég
þekki og segir:
„Eigum við ekki að gera þetta líka?“
Hann tekur í hönd mína og við leiðumst á eftir þeim.
Hann var i bláum jakka.
Fyrir hverju er að dreyma að taka í höndina á manni,
sem heitir Hafsteinn. Og hvað þýðir nafnið Matthías í
draumi?
Jæja, kæri draumráðandi! É'g vona, að þú ráðir draum-
inn fyrir mig fljótlega. Ég hef áður sent þér draum til að
ráða og fékk þá góða ráðningu.
Með fyrirfram þakklæti. Tína.
Vinkona þín og kærasti hennar munu taka saman aftur,
og þú ferð að vera með umræddum strák. Samband ykkar
verður langt og farsælt. Það boðar góðan félagsskap að
kyssa á hönd manns, sem heitir Hafsteinn, og Matthías
táknar einlivers konar vinning eða hagnað.
SKEGG í DRAUMI
Kæri draumráðandi!
Ég vil þakka þér fyrir þinn ágæta þátt, sem ég les alltaf.
Ég ætla ekki að biðja þig að ráða sérstakan draum heldur
segja mér hvað skegg táknar í draumi svona yfirleitt.
Með beztu kveðju. Þ.
í einni draumráðningabók segir svo um skegg: „Það er
fyrir drukknun eða hrakningi að drepa skeggi sínu eða
hári í vatn eða sjó. Það boðar velgengni að dreyma sjálfan
sig með sítt og fallegt skegg. En sé skeggið rakað af eða
klippt, boðar það missi og tjón. Dreymi ógifta stúlku að
hún sé með skegg, er það lienni fyrir giftingu, en giftri
konu er það fyrir því, að hún missir mann sinn.“