Vikan - 23.11.1978, Blaðsíða 51
Notaflu sagulstálifl öspart, hvarsu kjónalegt sem þér kann afl þykja
það.
Tjakkaðu bilinn vel upp og skoflaðu undirvagninn nákvœmlega, bœfli afl
framan...
... og aftan.
með
verið. Vertu óhræddur við að
renna segulstálinu yfir allan
bílinn, það er aldrei að vita
hversu svikin yfirbyggingin er.
Frambrettin þurfa sérstakrar
athugunar við, því einhverra
hluta vegna ryðga þau fyrst og
mest.
Raki í teppum á gólfi bílsins
og farangursgeymslu er merki
þess að bíllinn sé óþéttur með-
fram gluggum og hurðum og
haldi þar af leiðandi illa regni,
ryki og roki. En slíkt er mikill
ókostur á bílum sem notaðir eru
á úthafseyjum.
Vélina skal athuga
heita
Oft verður þrautin þyngri
þegar kemur að vélinni, en
athugun á henni þarf ekki að
vera eins flókið fyrirbæri og þú
kannski heldur. Eitt gott ráð er
að setja höndina fyrir öndunar-
opið, og ef hún verður oliublaut
þá máttu bóka að vélin sé orðin
léleg. Annað ráð er að athuga
hvort olíuljósið kviknar þegar
bíllinn gengur sérstaklega hægt.
Til að fá fram þennan hæga
gang er best að setja bílinn í
annan gír, standa á bremsunni
og gefa kúplinguna upp. Ef oliu-
ljósið kviknar áður en bíllinn
drepur á sér skaltu fara og leita
þér að öðrum og betri bíl.
í reynsluakstrinum er ýmis-
legt hægt að athuga. Almennt
ástand bílsins má kanna með því
að keyra hann á um 40 km
hraða, drepa á vélinni og hlusta
vel eftir öllum hljóðum sem þá
heyrast — i fullkomnum bíl á
ekki að heyrast neitt hljóð.
Treystu aldrei kílómetra-
mælum
Jafnvel heiðarlegustu menn
standast ekki þá freistingu að
skrúfa niður kílómetramælinn i
bíl sem þeir eru að fara að selja.
Þannig að mælarnir einir sér eru
varhugaverð heimild um notkun
bílsins. Miklu vænlegra til
árangurs er að taka vel i hurðirn-
ar og athuga hversu mikið
lausar þær eru, slíkt segir sína
sögu. Athugaðu einnig slit á
armpúðum, pedulum, ljósa-
tökkum og yfirleitt öllum þeim
hlutum sem eru í daglegri
notkun í bílnum. Yfir slitið er
erfitt að breiða, auk þess sem
innra útlit bílsins segir mikla
sögu um hvernig farið hefur
verið með hann. Það er náið
samband á milli meðferðar og
ástands bíls.
Skyndiskoðun á
verkstæði
fyrir lítið
Eins og við sögðum frá hér í
upphafi þessarar greinar, þá er
vonlítið að reyna að selja bíl
erlendis án þess að hafa
skoðunarvottorð frá verkstæði.
Slíkar skyndiskoðanir er þó
hægt að fá framkvæmdar hér-
lendis, og kosta innan við 7000
kr. Eitt þessara verkstæða er
Lukasverkstæðið, Suðurlands-
braut 10, í Reykjavík. Að sögn
forráðamanna þess, er mjög lítið
um það að seljendur eða
kaupendur notaðra bíla komi
með þá í skyndiskoðun áður en
viðskipti eru gerð. Fyrir
nokkrum árum var reynt að
koma á samstarfi á milli
verkstæðisins og nokkurra
bílasala í Reykjavík. Árangur-
inn varð sá, að næstum enginn
bíll seldist sem farið hafði í
gegnum slíka skyndiskoðun.
Enda eðlilegt að ýmislegt sé ekki
eins og það á að vera þegar
athuguð eru rúmlega 70 atriði í
gömlum bíl. Annað vandamál
sem fylgdi þessum skyndi-
skoðunum var, að einatt kom til
handalögmála á milli kaupanda
og seljanda um hvor þeirra ætti
að borga skoðunina. Kaupand-
inn, sem yfirleitt dró kaupin til
baka og strunsaði út þegar hann
sá niðurstöður skoðunarinnar,
hafði að sjálfsögðu engan áhuga
á því að borga, og því síður
seljandinn sem kenndi skoðun-
inni um að annars góð viðskipti
væru farin út um þúfur. Olli
þetta einatt slagsmálum og
stundum oftar en einu sinni á
dag.
Skyndiskoðanir sem þessar
eru ein af fáum tryggingum sem
kaupendur notaðra bíla hafa
fyrir góðu ástandi bíls sem þeir
hafa augastað á. En mönnum
skal bent á að fara með bílinn í
slíka skoðun áður en kaupsamn-
ingur er undirritaður, því það er
of algengt að menn komi með
nýkeypta bíla sína í skoðun, og
komist þá að því að þeim er í
mörgu ábótavant. Blasir þá
ekkert við nema fjárhagstjón
eða málaferli — og hver hefur
áhuga á því.
EJ
47. tbl. Vikan 51