Vikan - 29.05.1980, Blaðsíða 30
Draumar
Var hún að
vitja nafns?
Kæri draumrádandi.
Mig langar að biðja þig að
ráða fyrir mig furðulegan
draum. um gamla konu sem
var mikið á mínu heimili og er
svo til nýdáin.
Draumurinn er svona: Mér
fannst ég vera í kirkju ásamt
Jleira fólki og það átti að fara
að jarða þessa konu. Samt var
hún ekki dáin en átti að fara
að deyja. Ég held að hún hafi
staðið fyrir innan gráturnar.
Hún var í skikkju utan yfir
kufli. mig minnir að hann hafi
verið svartur. Svo kemur
presturinn og skikkjan var
tekin af henni, en hún stóð þá
eftir I kuflinum.
Presturinn les eitthvað yfir
henni ogsvo bara dettur hún
niður og er þá dáin. Það sást
aldreiframan í hana, mér bara
J'annst þetta vera þessi gamla
kona. Ég man ekki áfram-
haldið, hvort hún var sett í
kistu eða ekki. Ég varð hálf
hrædd þegar ég vaknaði og gat
varla sofnað á eftir.
Nú langar mig til að biðja
þig að ráða þennan draum fyrir
mig og mig langar líka að biðja
þig að svara þessari spurningu:
Nú er ég vanfær og maður
hugsar mikið um hjátrú og þess
háttar þegar svoleiðis stendur
á. Verð ég að skíra barn
mitt eftir þessari konu eða
ekki? Ef vanfæra konu dreymir
framliðna á hún þá að skíra
barn sitt eftir þeim? Mér þætti
mjög vænt um ef þú gætir
svarað þessum spurningum
mínum og ráðið drauminn.
Með fyrirfram þakklæti.
V.H.S.
Það er gömul trú manna að í
einstaka tilvikum vitji framliðnir
nafns, eins og það er kallað. Átti
það einkum við er vanfæra
konu dreymdi einhvern framlið-
inn og þá í þá veru að hann bæði
hana að leyfa sér að vera — eða
jafnvel flytti tafarlaust inn. Þá
fylgdi jafnan að ef þeim fram-
liðna væri ekki hlýtt og væntan-
legt barn nefnt í höfuð honum
boðaði það barninu ógæfu síðar,
jafnvel dauða. Þetta á hins
vegar heldur lítið skylt við
draumráðningar sem slíkar og er
miklu fremur tengt hjátrú. í því
sambandi má nefna hræðslu við
að kona í slíku ástandi ætti barn
með skarð í vör ef hún drykki úr
skörðóttum bolla og svo mætti
lengi telja. Nú á dögum þykir
fæstum ástæða til að taka mark
á slíkum bábiljum, enda vand-
lifað fyrir vanfærar konur ef
öllu slíku á að fylgja út í ystu
æsar.
Líklegt má telja að
draumurinn boði þér einhverja
erfiðleika, sem eru þó tíma-
bundnir og hafa ekki mikil áhrif
á framtíðina. Þarna eru líka
ýmis tákn sem benda á giftingu,
annaðhvort þína eigin giftingu
eða einhvers nákomins. Þér er
óhætt að skíra barn þitt hvaða
nafni sem er og ekkert sem
bendir til að gamla konan hafi í
þessu ákveðna tilviki verið að
vitja nafns á ykkar heimili.
... og sá
ógeðslegt sár
Kæri draumráðandi!
Mig langar að biðja þig um
að ráða fyrir mig þennan
draum:
Mér fannst ég vera I sund-
laug með tveimur öðrum
stelpum og við vorum einar.
Það voru engin föt í skápnum,
en fullt af stígvélum frammi.
Stelpurnar getum við kallað Á
og D og mér fannst þær vera
vinkonur, en í alvöru eru þœr
það ekki. Við Á vorum
eitthvað að rífast og allt í einu
sparkar Á í mig. Ég hentist í
vegginn og fékk gat á höfuðið.
Þá reiddist ég hroðalega og tók
Á og henti henni upp að
veggnum og lamdi höfði
hennar upp að horni á
veggnum. D horfði bara á en
sá rauða blóðkúlu á veggnum
og sagði mér það. Það skipti
mig engu. En allt í einu hætti
ég að lemja höfði hennar í
vegginn og leit á hnakkann og
sá ógeðslegt sár. Hún grét ekki
en hélt höndum fyrir augun.
Mér brá svo mikið að ég
hentist fram á ganginn en þar
var svo mikið af stígvélum að
ég fann ekki mín. D gat farið
og sagt sundkennaranum þetta.
Ég varð að flýta mér og tók
allt of stór stígvél og gleymdi
úlpunni og öllu dótinu mínu.
Nokkrum dögum síðar komu Á
og D að skila dótinu, sem D
hafði tekið af því að ég hafði
gleymt að sækja það. Þegar Á
gekk niður tröppurnar sá ég
miklar umbúðir um höfuð
hennar. Ég sá glitta í skallann
á höfðinu. Svo vaknaði ég og
veit ekki meir.
Með fyrirfram þökkfyrir
birtinguna.
Einfyrir austan.
P.S. Viltu vera svo væn(n) að
birta þennan draum fyrir mig,
ég er svo hrædd um að hann
boði eitthvað illt.
Öfund og illgirni setja svip
sinn á tilveruna um tíma og þér
finnst líklega að allt gangi á
afturfótunum. Vissara væri að
fara varlega í byrjun en láta þó
alls ekki undan síga þótt móti
blási því þetta ástand er aðeins
tímabundið.
Ýmislegt bendir til að þér
verði nauðsyn á að læra að stilla
skap þitt betur en hefur verið til
þessa og þýðingarmikið að láta
ekki blanda þér inn í deilur og
átök annarra. Þar er undirrótin
öfund í annarra garð og því
afiarasælast að halda sig víðs
fjarri.
Flest bendir til að þér takist
að standa af þér stærstu
stormana og þú standir mum
styrkari eftiren áður.
30 Vikan 22. tbl.