Vikan - 31.07.1980, Side 10

Málverkasýning
U'" h'k*
mikið þetta eina ár sem ég var
í dönsku akademíunni.
Ég þykist vita það fyrir víst
að ekki sé mikið um málverka-
falsanir hérlendis, aftur á móti
er stolið töluverðu af málverk-
um. Ég hef nú í mörg ár verið
að leita að tveimur Kjarvals-
málverkum sem var stolið, en án
árangurs. Önnur myndin var
nokkuð stór, 50x 150 sm og
skorin úr rammanum. Ætli
henni hafi ekki verið rúllað
upp og komið úr landi. Hins
vegar mætti segja mér að á
mörgum frægum söfnum úti í
heimi væru fölsuð málverk í
metravís. Meistararnir eru
margir.”
— Hvers vegna málar þú
svona stór málverk?
„Ég mála stórar myndir
vegna þess að það er erfiðara
en að mála litlar. Litlar myndir
mála ég eingöngu til að koma
mér í gang, nokkurs konar
upphitun.”
— Ert þú frístundamálari?
„Ég er alvörumálari og hvíli
mig á því að vera í lögreglunni.
Þó verð ég að viðurkenna að
stundum verð ég voðalega
þreyttur á lögregluhlutverkinu
og það hefur komið fyrir oftar
en einu sinni að mig hefur
mest langað til að kasta af mér
úníforminu þar sem ég stend í
það og það skiptið og ganga
heim á nærbuxunum og fara
að mála. Mér hefur tekist að
halda aftur af mér fram að
þessu enda er ekki víst að kon-
an hefði tekið því þegjandi að
fá mig heim í nærbuxunum
dag eftir dag og hvað þá yfir-
boðararnir sem skaffa mér
úníformið. En núna vona ég að
ég geti snúið mér alfarið að
listinni hvað úr hverju, ég vona
að það verði sem fyrst. Það er
full vinna að sinna listinni og
þeir menn sem gera það með-
fram öðru starfi verða einfald-
lega að vera tvíefldir. Mér
finnst gaman að vinna og þoli
ekki latt fólk. Fólk sem ekki
nennir að vinna á ekki að fá
að borða, það er einföld regla
sem ætti að fara eftir meira en
gert er. Ég nýt þess að vinna
og á meðan ég mála þá spila ég
Beethoven, Bach og Louis
gamla Armstrong. Ég hef mikið
„Ég mála stórar myndir frekar en litlar vegna þess að það
er erfiðara. Ég skil ekki fólk sem gerir sömu myndina í
mörgum eintökum."
IO Vikan 31. tbl.