Vikan - 31.07.1980, Blaðsíða 23

I
i
Uppi heyrðist glugga skellt aftur.
Uppi í svefnherbergi sínu gnísti
Gryphon ofursti tönnum.og hallaði sér
upp að veggnum. Tilfinningar hans
höfðu breyst í stöðuga gremju sem
stundum braust út I hrópum og að þvi er
virtist ástæðulausum skömmum — því
enginn nema hann sjálfur sá hinn aftur-
gengna og óvelkomna félaga hans.
Nágrannar hans litu á einkennilega
hegðun hans sem sérvitringshátt.
Stundum. þegar hann missti alla stjórn á
sér, sást hann slá út i loftið með göngu-
staf sinum. Það gerði honum ekkert
gagn. Frú Gryphon lá bara í loftinu rétt
utan seilingar og fylgdi honum eftir.
Aggie var sú sem barðist fyrir ofurst-
ann í Condiment stræti. „Haldiði að ég
myndi ekki vita af því ef hann hallaði sér
að stútnum?" sagði hún í kránni. „Hann
sér hluti sem þú og ég sjáum ekki, það er
bara málið. Hann er bara sérstakur per-
sónuleiki.”
En þarna hafði Aggie rangt fyrir sér.
Gryphon ofursti vildi afturgöngu frú
Gryphon allt illt. Hann gerði sér hug-
myndir um að sjúga hana upp í ryksug-
una eða sturta henni niður um klósettið.
Honum tókst einu sinni að skella hurð-
inni á hana og það fékk mikið á hann
hve litlu hún lét sig það skipta. Hann var
sifellt að hugsa upp leiðir til þess að
losna við hana, en ekkert gekk.
Hann átti þó einn griðastað, einn stað
þar sem svipur frú Gryphon var ekki.
Það var kráin.
Gryphon ofursti komst að þessu eitt
sinn í hádeginu þegar hann skaust eitt
örvæntingarfullt augnablik þangað inn.
Frú Gryphon beið fyrir utan. 'Hún hafði
s'undum fylgt honum inn á Gildaskál-
ann, en kráin virtist ekki vera við hennar
hæfi. Ofurstinn vissj ekki hvort það var
vegna þess að hún taldi að þar viðgengist
of ljótt orðbragð eða hvort hún leit svo
stórt á sig, en þegar hann kom út hálf-
tíma síðar var svo mikill kraftur í augna-
ráði hennar að hann riðaði.
Eftir nokkra daga hafði hann samt
jafnað sig nóg til þess að endurtaka
þessa skemmtilegu heimsókn og nú með
meira sjálfstrausti.
Það var miðvikudagur. Miðvikudagar
voru frídagar Aggiear og i stað þess að
vera að elda hádegismat ofurstans sat
hún á kránni með lappirnar uppi á stól
og púrtvinsglas fyrir framan sig. Yfir
glasbarminn kom hún auga á gula mitt-
isúlpu ofurstans og hrópaði af gleði.
Hann sneri sér við og sá glaðlegt and-
lit hennar, ullarhúfuna sem slútti fram á
ennið og asnalega lyngvöndulinn. Hann
brosti og allur áhyggjusvipur var horf-
inn. Hún hugsaði með sér: Nú, svo
svona getur hann þá litið út! og veifaði
til hans yfir reykfylltan salinn.
Aggie kynnti Gryphon ofursta fyrir
liðinu á kránni.
Það var mikið að gera þennan dag og
margir vina hennar litu inn. Lausari við
streitu en hann hafði verið mánuðum
saman var Gryphon ofursti brátt farinn
að þúa fjöldamarga íbúa Condiment
strætis.
Þegar hann kom út í sólskinið hafði
hann næstum gleymt því sem beið hans
fyrir utan. Hún lét sig siga niður í
augnahæð og horfði á hann með hræði-
legu augnaráði. Gryphon ofursti sló
nokkrum sinnum til hennar og gekk
síðan syngjandi heim.
Hann hugsaði um Aggie með hlægi-
lega langa nefið sitt og glaðlegu augun
og um hvað þeim kom vel saman. Hann
vissi alltaf af þvi þegar Aggie var í hús-
inu; þá virtist það vera góður staður, það
bauð mann velkominn og var fullt af
tækifærum. Hvað það væri nú þægilegt,
hugsaði hann, ef Aggie gæti alltaf verið
þar, í stað — í stað. . .
„1 staðinn fyrir þig, gamli hryllingur,”
hrópaði hann og bjó sig undir að slá
annað högg út í loftið. Minta Gryphon
virtist titra eins og flugvél sem flýgur í
gegnum óveðursský.
Framan á brúðarkjólinn var nældur
frekar ólögulegur lyngvöndull. „Segir
ekki að maður eigi að vera i einhverju
gömlu, góði minn,” sagði Aggie. „Og
sjáðu bara hvað hann hefur fært mér
mikla gæfu!” Eiginmaður hennar lyfti
glasi sínu og bros hans var alveg laust
við streitu eða áhyggjur.
Brúðkaupsveislan var haldin í einka-
samkvæmissalnum í kránni. Það var
mikið um hlátur og gleði og margir góðir
brandarar flugu. Hlátur Aggiear, sem
var orðinn frægur í Condiment stræti,
fældi dúfurnar tvisvar af þakinu.
Um klukkan þrjú hafði afgreiðslu-
stúlkan, sem var þrekin, miðaldra, ógift
og skapstór, fengið tvö bónorð og brúð-
urin hafði dregið sig í hlé til þess að fara
úr lífstykkinu.
„Og nú förum við heim saman,” sagði
Aggie glaðlega þegar þau gengu rjóð í
andliti eftir Condiment stræti.
„Já,” sagði Gryphon ofursti. „Já —
við förum heim.” Og hann sá fyrir sér
rólegtogþægilegt líf.
Fyrir ofan hann kom í ljós hálfgegn-
sætt flikki í grænum tweed-fötum. Hún
dró fæturna, útlínur hennar voru óljósar
og ógreitt hárið flaksaðist undan ósnyrti-
legum flókahattinum. í gegnum hana
var hægt að greina trjágreinar og rauð
húsþök. í kringum hana var allt fast og
traust, og þægilegt.
Gryphon ofursti lyfti staf sínum og ot-
aði honum að hinni fyrri frú Gryphon.
„Vesalings kerlingin," sagði hann góð-
lega, „þú gerðir sjálfri þér lífið leitt, og
sjá þig núna.”
„Þú ert gersemi,” sagði Aggie. „Hvað
ætli þú segir næst?” Hlátur hennar gaus
upp og undan honum flugu grænar og
brúnar flyksur og nokkrar gráar.
Gryphon ofursti opnaði faðm sinn til
þess að taka utan um nýju konuna sina.
Hlátur þeirra sameinaðist og leið upp í
tómt loftið.
Kynnist töfrum
öræfanna
Eftirtaldar ferðir bjóðum við í sumar á
sérstöku kynningarverði:
6 daga ferð: Borgarf jörður —
Landmannalaugar — Eldgjá — Jökullón á
Breiðamerkursandi — Þórsmörk.
12 daga ferð: Hringferð um landið.
13 daga ferð: Vestur- og Norðurland og suður
Sprengisand.
13 daga ferð: Suður- og Austurland og suður
Sprengisand.
Ferðir okkar um landið eru ógleymanlegar.
Skipulagðar ferðir með þaulvönum farar-
stjórum opna mönnum leið til þess að njóta
þeirrar fegurðar landsins, sem er iafn heil-
landi og hún er hrikaleg.
Allar máltíðir eru framreiddar úr sérstökum
eldhúsbílum, búnum fullkomnum eldunar- og
kælitækjum.
Verð:
6 dagar: Kr. 78.000.-
12 dagar: Kr. 156.000.-
13 dagar: Kr. 169.000.-
Innifaliö í veröi:
Tjaldgisting með fullu fæði ásamt farar-
stjórn.
Allar nánari upplýsingar í síma 13499 og 13491
eða á skrifstofunni.
ULFAR
JACOBSEIi
FERÐASKRIFSTOFA AUSTURSTRÆTI9
SÍMAR13499 0G13491.
J
41, : > , V .k 14