Vikan - 27.05.1982, Blaðsíða 22

Nauðsynlegt er aö jarðvegur sé
eins vel undirbúinn og kostur er. Ef
jarðvegur er lítt frjór er nauðsynlegt
að blanda húsdýraáburði saman við
moldina árið áður. Meö því móti nær
áburðurinn að gerjast og minni
hætta á að rótarkerfi plantnanna
skaðist (brenni) af hans völdum.
Jafnframt skal gæta þess að lóð sé
hæfilega framræst.
Síðan gróðrarstöðvar fóru að rækta
upp trjáplöntur í pottum hefur
gróðursetning orðiö öruggari og
dreifst lengra fram á sumar þar
sem minna hnjask verður á rótar-
kerfi pottaplantna en þeirra sem
opna rót hafa. Rétt er þó að hafa
hugfast að ekkert mælir með því að
draga gróðursetningu á langinn.
Þegar garðeigandi kaupir trjá-
plöntur hjá gróðrarstöðvum skal
gæta þess vel að rótarkerfi plantn-
anna sé vel rakt og að ekki sé
skemmd á stofni. Er á áfangastað er
komið skal ganga vel frá plöntunni
þar til gróðursetning fer fram.
Ef gróðursetning dregst á langinn
er nauðsynlegt að geyma plönturnar
á fremur skuggsælum stað og jarð-
slá þær sem eru með opinni rót. Ef
pottaplönturnar verða mjög þurrar
er gott aö stinga hnausnum niður í
vatn þar til loftbólur hætta að koma
frá rótarhnausnum.
Veljið sólarlausan dag til gróður-
setningar. Grafið nógu djúpar og
breiðar holur til þess að vel greiðist
úr rótum plantnanna. Gott getur
verið að setja lag af húsdýraáburði í
botn holunnar, þó þannig aö 4—5 cm
moldarlag verði á milli áburðar og
róta. (Varist að láta áburð snerta
rætur!) Greiðið vel úr rótinni og
klippið burt alla skemmda rótar-
hluta svo og þá sem eru óeölilega 4
langir miðað við aðrar rætur. Plant-
an er síðan sett jafndjúpt og hún stóð
áður og rætur lagðar vel út. Ýtið dá-
lítið af mold að rótunum og komið
henni vel inn á milli rótarhlutanna
svo ekki verði loftrúm við rætur.
Smám saman er holan fyllt upp og
þjappað hæfilega með fæti. Gera má
ráð fyrir 3—4 cm jarðsigi. Varist að
þjappa svo fast að loft nái ekki að
anda gegnum moldina því þá er voð-
inn vís. Vökvið nægilega vel á eftir
til að moldin nái að blotna niður fyrir
rætur. Ef þurrt er í veðri næstu vikur
á eftir skal gæta þess vel að plönt-
22 Vikan 21. tbl.