Vikan - 22.09.1983, Qupperneq 51

Rottur
Góði draumráðandi.
Ekki hef ég lagt í vana
minn að senda drauma til
ráðningar en sá sem ég
mun nú lýsa var svo
blóðugur og óhugnanlegur
að ég ætla að sjá hvað
kunnáttufólk fcer út úr
honum.
Mér þótti ég staddur á
mínu eigin heimili sem þð
var um margt frábrugðið
því sem gerist í vöku. Veit
ég þá ekki fyrri til en fram
undan sófa kemur rotta,
stór og þrifleg og snör í
snúningum. Mjög gramdist
mér þetta og man að ég
hugsaði sem svo: þarf
maður nú lika að glíma við
rottuplágu ofan á allt
annað! Hvernig á ég að fara
að því að losna við
rotturnar úr húsinu? En ein
er hver ein hugsaði ég og
stökk á fætur til að ná ófét-
inu. Hún varð mér samt
skjótari, skaust fram á gang
og út. Þar var niður stein-
tröppur að fara (sem ekki
eru á mínu heimih) og grðf
möl fyrir neðan. Sem rott-
an hleypur inn með
tröppunum næ ég í stein,
þó ekki stóran, og læt fara á
eftir henni. I vöku er ég
ekki hittinn en í svefninum
tókst mér að slæma grjót-
inu á skepnuna aftanverða
svo að hún lamaðist aftan
til. Þð hélt hún áfram og
komst inn í kjallara (sem
heldur er ekki til á mínu
heimili) og upp t hillu sem
full var af margs konar
drasli. Þar sá ég meðal
annars kíttisspaða breiðan
sem ég þreif og keyrði á
háls skepnunni og eftir
þriðja högg hafði ég náð
haus frá bol.
Einhvern veginn leystist
svo þessi draumur upp án
þess að ég gerði mér Ijóst
hvernig en þegar ég
endanlega vaknaði var í
mér bölvaður óhugur og
mér fannst ég óhreinn og
þvottaþurfi. Eróðlegt væri
nú að vita hvernig svona
draumur verður ráðinn.
Með fyrirfram þökk og
kveðju.
Prins Albert.
Þessi draumur er afskap-
lega skýr og afdráttarlaus.
Þú þarft að standa í því
leiðindaverki að glíma við
undirferli og óhreinlyndi
einhverrar mannpersónu
sem þú kynnir að umgang-
ast nú þegar. Það má jafn-
vel ætla að þessi persóna
hafi áhuga á að ná ein-
hverju af þér, hvort sem
það eru veraldleg gæði eða
annars konar. Þú bregst
hart við þegar þú gerir þér
grein fyrir hvers kyns er
(vera má að þú verðir
andvaralaus rétt um sinn)
og stekkur, rétt eins og í
draumnum, og vinnur
sigur á þessum óþurftar-
gemlingi. Kannski má
túlka drauminn á þann veg
að það taki þig þrjár
atlögur að ná sigri, en hann
áttu að minnsta kosti að fá
svikalaust. Ferðin niður
steintröppurnar bendir til
þess að þú þurfir í þessari
viðureign að fara leiðir sem
þér finnast heldur leiðin-
legar og vilt helst ekki
þurfa að fara. Því má svo
hnýta við að það er góðs
viti peningalega að finnast
maður óhreinn og þvotta-
þurfi, jafnvel þó sú tilfinn-
ing greinist ekki fyrr en í
vöku.
Hringur —
innsigli
Kæri draumráðandi!
Eyrir stuttu dreymdi
mig draum sem ég hef
miklar áhyggjur af. Mig
dreymdi að ég væri að
koma úr vinnunni og gengi
inn á kaffihús sem var þar í
grenndinni. Inn kemur þá
strákur sem ég er hrifin af
og sest hjá mér. Hann
dregur upp hring og setur
hann á fingurinn á mér. Eg
tek hringinn af mér til að
skoða hann almennilega.
Þá stendur nafn stráksins
inni í hringnum. Þetta var
bara venjulegur trúlofunar-
hringur. Síðan setti ég
hann aftur á mig og lokaði
lófanum. Þá brotnaði
hringurinn og ég sá að
hann var ekki annað en
innsigli á flösku. Svo
vaknaði ég og hef haft
áhyggjur stðan.
Nóttina áður en mig
dreymdi þennan draum
dreymdi mig að þessi sami
strákur var kominn í
bæinn og við vorum ofsa-
lega hamingjusöm.
Ein áhyggjufull.
Þessi draumur er
tiltölulega einfaldur og
sjálfsagt á þann veg sem þú
kvíðir. Trúlofunar-
hringurinn bendir til ástar-
sambands sem þegar til á
að taka reynist harla
brothætt og ristir grunnt.
Hins vegar máttu búast við
að það reynist þegar til á að
taka leiða til nokkuð
skemmtilegs framhalds en
ekki með sama stráknum ef
að líkum lætur.
Draumurinn nóttina áður,
um samvistir ykkar, bendir
einnig til að ykkar leiðir
liggi sundur í framtíðinni.
Þó má gera ráð fyrir að
eitthvað markvert (að þínu
mati) gerist milli ykkar
áður en fátt bendir til að
það verði varanlegt.
Ég er á móti skilnaði — mér finnst að leiðir ættu
bara að skiljast á eðlilegan hátt.
38. tbl. Vikan 51