Vikan - 17.10.1985, Qupperneq 30

Draumar
Á heimaslóð
Kœri draumráðandi.
Eg sendi þér hér stuttan
draum með von um ráðningu
efþetta merkir eitthvað.
Ég er flutt frá heimabœ
mínum og tek fram að ég hef
ekki mikla heimþrá. Mig
dreymdi að ég vœri komin
heim í stutta heimsókn. Ég
grét allan drauminn afgleði
yfir að vera heima.
Ég virti allt fyrir mér og
fór svo inn í herbergið mitt.
Þar var allt öðruvísi en er í
raun en ég settist niður og sá
að það var bréf á borðinu
frá danskri pennavinkonu
minni. Ég stóð upp og œtlaði
að fara að athuga hvort það
vœri eitthvað sem ég œtlaði
að taka með mér til baka. Ég
hugsaði að það vœri nóg að
tala við vinkonu mína um
kvöldið og vonaði að hún
myndi ekki móðgast þó ég
léti hana ekki vita. Ég vildi
njótaþess að vera heima.
Með fyrirfram þökk,
71552.
Þessi draumur er fyrst og
fremst ákaflega mikill hamingju-
draumur, grátur í draumi boðar
alltaf hamingju eins og draum-
ráðandi hefur margtekið fram.
Það kemur ekki fram í bréfinu
hvort þú last bréfið sem pennavin-
kona þín hafði sent þér. Ef þú last
það í draumnum máttu búast við
óvæntum fréttum. Ef þú á hinn
bóginn last bréfið ekki máttu
búast við að einhverjar fréttir,
sem þú myndir gjarnan vilja fá,
nái þér einhverra hluta vegna
ekki. Hugleiðingar þínar um hvort
þú eigir að taka eitthvað með þér
eða ekki benda til þess að þú eigir
einhver mál óuppgerð á heima-
slóö.
Kossar
og kannski
eitthvað fleira
Kæri draumráðandi.
Fyrir nokkrum dögum
dreymdi mig mjög undar-
legan draum. Mig dreymdi
að ég og œðislega sœtur
strákur, sem ég þekki ekki en
hef séð mynd af nokkrum
sinnum, vorum að kyssast.
Það er allt og sumt sem ég
man úr draumnum. Svo
dreymdi mig nokkrum
dögum seinna að ég vœri að
leita að þessum strák
(köllum hann bara X) og
fann hann uppi í rúmi með
öðrum strák. Og svo aftur
nokkrum dögum seinna
dreymdi mig að ég vœri í
veislu og X sat við nœsta
borð. Á móti honum sat
strákurinn sem hafði verið
uppi í rúmi með honum í
hinum draumnum. Mig
langaði œðislega til að fara
og tala við X en þorði það
ekki. Ég yrði œgilega ánægð
ef þú vildir gera svo vel að
segja mér hvaðþettaþýðir ef
það þýðir þá eitthvað. Með
fyrirfram þökk fyrir
birtinguna.
Á.B.
P.S. Ég hef skrifað þér
tvisvar áður en bréfin voru
ekki birt og ég vona að þú
bregðist mér ekki núna,
annars dey ég úr forvitni. Ég
biðþig.
Sem betur fer hefur forvitni ekki
drepið neinn enn svo draumráð-
andi getur ekki kallað þessa
tilraun til ráðninga lífsbjörg.
Ástæðurnar fyrir þvi aö
draumarnir þínir hafa ekki komist
að í draumaþættinum enn eru
tvær. I fyrsta lagi skrifar þú ekki
nafn þitt undir þetta bréf og
kannski ekki hin heldur. Ef öll
nafnlaus bréf fengju inni í
þættinum yrði ekki pláss fyrir þá
sem þora að skrifa undir nafni
(það fyrirbyggir að mestu leyti
ruglbréf eða at) en að sjálfsögðu
gætum við alltaf nafnleyndar.
Hin ástæðan fyrir því að
draumarnir fá ekki inni í
þættinum er aö þeir geta ekki
talist tákndraumar. Mörkin eru að
vísu stundum óglögg en þessir
draumar eru augljóslega fyrst og
fremst afleiðing af fullkomlega
eðlilegum vangaveltum þínum í
vöku, draumum og ævintýrum,
kannski kvíða, öllu þessu sem
fylgir unglingsárunum. Þakkaðu
bara fyrir að draumarnir eru ekki
tákndraumar, ef svo væri myndi
sá fyrsti til dæmis vera tákn um
aö þú ættir ekki séns í þann sæta
og hinir fyrir einhverjum
leiðindum.
Svo er bara að vona að fleiri
sem dreymir svipað og þig lesi
þessi orð því þinn draumur var
bara tekinn sem dæmi um marga
svipaða.
Finun ára
gamall
draumur
Kæri draumráðandi.
Mig langar að biðja þig
um að ráða fyrir mig draum
sem mig dreymdi fyrir fimm
árum og ég er búin að hugsa
mikið um.
Hér kemur draumurinn:
Mér fannst ég vera að koma
gangandi ásamt fleira fólki
frá bæ sem heitir M. að bæn-
um B. En þegar við komum
þangað hvarf allt fólkið en
ég var ein eftir. En ég hélt
áfram að bænum. Til að
komast að bænum þurfti ég
að fara niður þrjá jafna og
mjög fallega kanta og þegar
ég er komin niður sé égþann
fallegasta garð sem ég hef
séð um œvina. Grasið er
mjög fallegt og svo fór ég að
skoða mig um. Þá er á hægri
hönd blómabeð með rósum í
öllum litum. Svo lít ég til
hœgri og sé runna og hann
var klipptur eins og tölustaf-
urinn 3. Á vinstri hönd var
alveg eins runni en þar voru
tölustafirnir 1 og 2 en beint
fyrir framan mig var bœr-
inn, nýbyggður og málaður
hvítur og rauður.
Svona var nú þessi draum-
ur. Mér þætti mjög vœnt um
ef þú myndir vilja ráða
þennan draum fyrir mig.
Með fyrirfram þökk,
E.B.S.
Þessi draumur er mikill gæfu-
draumur. Hann bendir til mjög
farsæls lífs hjá þér og skipta má
því í þrjú tímaskeið sem öll eru já-
kvæð hvert með sínum hætti.
Sennilegast er að þú munir búa á
þrem stöðum um ævina sem eru
hver öðrum betri og vera má að
fleiri breytingar fylgi þessu en bú-
setubreytingar. Ytri aðstæður
geta verið alla vega í lífi þínu en
þessi farsæli þáttur tilveru þinnar
virðist fyrst og fremst búa í sjálfri
þér.
Sokkar
Kœri draumráðandi.
Ég skrifa þér í von um að
þú getir ráðið fyrir mig
draum sem mig dreymdi
fyrir nokkrum vikum. Hann
var á þá leið að tvœr vin-
konur mínar færðu mér
pakka að gjöf. Utan um
hann var hvítur pappír með
gylltu mynstri, auk þess var
utan um hann gult kross-
band. Ég tók utan afgjöfinni
sem reyndist vera tvö pör af
sokkum. Pörin voru alveg
eins að öllu leyti nema
annað parið var dökkblátt
með tveimur dökkrauðum
röndum á stroffinu, hitt
parið var gagnstœtt að lit,
dökkrautt með dökkbláum
röndum á stroffinu. Fyrsta
hugsun mín, þegar ég sá
sokkana, var að þær hefðu
örugglega tekið eftir því að
ég gengi í götóttum sokkum
en þá sá ég að þetta voru
barnasokkar. Mér fannst
sem vinkonur mínar gæfu
mér sitt parið hvor, þó þau
væru í sama pakkanum, því
sokkapörunum tveimur
fylgdi sitt hvort kortið. Ég
sá ekki framan á annað
kortið en inna í það var
eitthvað skrifað sem ég las í
flýti í draumnum en mundi
ekkiþegar ég vaknaði. Ég sá
hins vegar framan á hitt
kortið. Á því var mynd af
dökkhœrðum, litlum strák í
bláum gallabuxum en innan
íþað kort var ekkert skrifað.
Svo vaknaði ég.
Með bestu kveðju og þökk
fyrir hjálpina.
F.S.
Breytingar eru í vændum á
þínum högum. Hálft í hvoru gerir
þú ráð fyrir að þessum breyt-
ingum muni fylgja einhverjir
erfiðleikar og þú þykist nokkuð
viss um að einhver ævintýri séu í
vændum. Sennilega munu þessar
breytingar þó færa þér annað en
þú hyggur. Þú getur hiklaust gert
ráð fyrir að tvennt muni koma
fyrir sem breyti lífi þínu öðru
fremur. Þetta gæti verið fæðing
tveggja barna en einnig eitthvað
tvennt, annað sem myndi hafa
svipaða fyrirhöfn og fanga huga
þinn á jafnafdráttarlausan hátt og
börn gætu gert.
30 Vikan 42. tbl.