Vikan - 10.04.1986, Side 37

að kaupa aflyklunartæki. Til dæmis kostar
aflyklun fyrir Sky Channel rásina 450 sterl-
ingspund (um það bil 27.000 krónur).
Hérlendis mun Póstur og sími hafa yfirum-
sjón með samningagerð við rekstraraðila
fjarskiptagervitungla, svo sem eigendur
Eutelsat-1 F1 gervitunglsins. Stærri út-
varpsfélögin munu einnig fylgjast grannt
með framvindu mála og reyna þau væntan-
lega að ná hagstæðum samningum við
umbjóðendur sjónvarpsrásanna.
FRAMTÍÐIN
Þótt erfitt sé að ímynda sér hvernig þróun-
in verður á þessu sviði er ljóst að í náinni
framtíð verður mörgum gervitunglum skot-
ið á loft sem og þýðir margfalt fleiri sjón-
varpsrásir. Hérlendis hafa heyrst margar
raddir þrungnar áhyggjum vegna þessa og
skal engan undra. Við erum fámenn þjóð
og okkur er annt um tungu vora, samanber
þegar „Kanasjónvarpinu" var lokað. Ein-
hverjir sjá væntanlega fram á þjóðfélag þar
sem menn ganga um með bauga undir
augum af sjónvarpsglápi og tala bjagaða
íslensku. Aðrir bíða óþreyjufullir eftir að
geta horft á sápuóperur á fimmtudags-
kvöldum. Hvað um það, tækninýjungar
hafa ávallt rutt sér til rúms þrátt fyrir
margs konar andstöðu gegnum aldirnar.
Vandséð er hvers vegna ætti að verða
undantekning á því núna.
15. IBL, VIKAN 37