Vikan - 18.12.1986, Blaðsíða 44

Það er hægt að búa til ýmsar fígúrur
úr pípuhreinsurum, til dæmis þessa jóla-
sveina. Hér eru notaðir rauðir pípu-
hreinsarar en það má alveg eins nota
hvíta. Skýringarmyndirnar sýna hvernig
á að fara að og þegar búkurinn er tilbú-
inn er jólasveinabúningurinn búinn til.
Filtefni er ágætt í hann því þá þarf ekki
að falda, annars má nota hvaða efni sem
er. Það má hafa búninginn með ýmsu
sniði og ef hann skyldi verða eitthvað
einkennilegur þegar hann er kominn á
jólasveininn er hægt að bjarga því með
belti úr sama efni. Á eftir má svo klippa
kantana jafna ef þess þarf. Svört tala úr
sama efni er límd framan á karlana.
Búningurinn er límdur saman með túpu-
lími svo að það reynir ekkert á sauma-
hæfileikana. Hausinn er úr vattkúlu og
andlitið teiknað á með tússlitum. Með
þessum jólasveinum er liægt að skreyta
jólatréð, jólaborðið, jólapakkana eða
bara sjálfan sig.
1. Einn pípuhreinsari í búk og lappir.
2. Klippið þriðjung af pípuhreinsaranum og notið stærri hlutann í handleggi. Vefjið
einn hring.
3. Síðast er hausinn festur á en það er best að setja jólasveininn í fötin áður.
Húfan límd á og andlitið teiknað.
Umsjón:
Hólmfríður Benediktsdóttir
Engillinn er búinn til með sömu
aðferð og jólasveinarnir.
Hann er miklu stærri þannig
að tveir pípuhreinsarar fara í
búk og lappir og einn heill í
handleggi. Kjóllinn er úr hvítu
filti og kragi um hálsinn. Hann átti
að fela þessa mjóu handleggi en það
tókst ekki alveg nógu vel. Hjörtu úr
tveimur öðrum litum af filti eru klippt
út og límd á hér og þar. Vængirnir eru
úr gylltunr álpappír (getur líka verið
silfurlitur eða blár). Vængirnir eru
Iímdir á bak engilsins. Hausinn er úr
vattkúlu eins og á jólasveinunum og
hárið úr bómullargarni. Og þá er bara
eftir að fá engilinn til að standa í fæt-
urna. Klippið út pappahring og litla
ræmu. Límið lappirnar á hringinn og
ræmuna yfir. Kannski finnið þið upp
betri aðferð þegar þið farið að föndra.
Það er einmitt skemmtilegt að fara
ekki alltaf alveg eftir uppskriftunum
heldur hafa þær til hliðsjónaren breyta
þeim og lagfæra.
44 VI KAN 51. TBL