Vikan - 30.07.1987, Blaðsíða 19

'I
Bassam Abu-Samra.
Amjed Hussein.
Ed Chen.
Eftir að hún hafði látið móðan mása i um
það bil klukkutíma og þar með vakið tak-
markalausa aðdáun mina lauk ég viðtalinu
með hinni hefðbundnu spurningu um hvort
hún hefði áhuga á að koma til Islands: „Já,
ég hef mikinn áhuga á því," sagði hún og
það geislaði af henni forvitnin þegar hún
spurði mig: „Er ekki alveg frábært þarna
i Broadway?“
Þessi fríska og fjöruga stúlka varð þess
valdandi að ég hélt áfram að kanna þekk-
ingu útlendinga á heimalandinu.
Næstur á vegi mínum varð Bassam Abu-
Samra, 23 ára gamall Palestínuarabi í
tölvufræðinámi. Bassam brosti dularfullu
brosi er ég spurði hann um þekkingu hans
á íslandi: „Eg get nú sagt þér það að ég
hef gerst svo frægur að hafa komið til Is-
lands. Ég staldraði við í ömurlegri, niður-
níddri flugstöðvarbyggingu og leiddist þar
í nokkra klukkutíma! Ég var á leiðinni til
Bandaríkjanna.“ Ég flýtti mér að fræða
manninn á því að búið væri að reisa nýja
og glæsilega flugstöð. „Jæja, það var nú
gott. Nú, ég fylgdist aðeins með leiðtoga-
fundinum og ég veit að þið eruð á kafi í
fiskveiðum.
Ég sá mikið af fallegu kvenfólki þarna í
flugstöðinni og líka í flugvélinni. Ég gaf
mig á ta! við nokkrar en þær sneru allar
upp á sig og vildu ekkert við mig tala! Ég
hef heyrt að þið fylgist vel með tísku og
hafið vandað vöruúrval. En dýrtíðin er
svakaleg."
Næst varð fyrir svörum Amy Arizala, 23
ára stúlka frá Filippseyjum, og stundar hún
nám í útvarpsmennsku. Mún var eldfjörug
og stór, dökk augun ljómuðu þegar ég
nefndi nafnið ísland: „Ég veit ekkert um
landið, sögu þess né menningu. En ég hef
búið í Nígeríu meiri hluta ævi minnar og
veit því að þið seljið skreið þangað!“ sagði
hún og fannst þetta mjög fyndið. „Jú, svo
veit ég auðvitað að fiskur er ykkar helsta
útflutningsvara og þið eruð indælasta fólk.“
Þar með var upptalið það sem hún vissi
um ísland.
Næstur var tekinn á beinið Robert Warr-
en Lindgren, 33 ára auglýsingateiknari.
„Hvað veit ég um ísland?" spurði hann
sjálfan sig frekar en mig og var þögull um
stund. „Ég fylgdist með leiðtogafundinum
og þannig komst ég að því að höfuðborgin
ykkar heitir Reykjavík. Þetta var meiri
háttar landkynning," sagði hann. „Svo veit
ég auðvitað um eldfjöllin, jöklana og hver-
ina. Ég er viss um að Island er paradís
náttúruunnenda. Þjóðin er af skandinav-
ískum toga og eflaust svipar menningu
ykkar mikið til menningar hinna Norður-
landaþjóðanna. Ég var með ólæknandi
víkingadellu sem krakki og hef því lesið
töluvert um það tímabil sögunnar.“
Byrjunin lofaði góðu og ég beið spennt
eftir meiru. „Ég veit nú ekki hvaða tungu-
mál þið talið né nokkuð um ykkar trúmál.
En ég hef heyrt því fleygt að þið seljið ekki
áfengan bjór í landinu en fiytjið hann samt
út. Þetta er mér með öllu óskiljanlegt,"
sagði Robert og hristi hausinn.
Að síðustu talaði ég við Amjed Hussein
sem er 27 ára gamall viðskiptafræðinemi
frá Karachi í Pakistan. Hann er með BS-
próf í eðlisfræði og stærðfræði ásamt
meistaragráðu í tölfræði.
Amjed kvaðst ekki vita mikið um ísland:
„Landafræðikennslan heima í Pakistan er
nokkuð góð. Ég man eftir nokkrum fróð-
leiksmolum um Noreg og Svíþjóð en það
var aldrei fjallað um Island. Ég veit þó að
landið er eyja í Norður-Atlantshafi og
mannfjöldinn er í kringum 250.000. Nafnið
ísland gefur villandi hugniynd um veðráttu
landsins. Eftir því sem mér skilst ætti Græn-
land að heita ísland og svo öfugt. Ég er
sannfærður um að þetta hrollvekjandi nafn
aftrar mörgum ferðamanninum frá þvi að
stíga á íslenska grund,“ segir Amjed og
brosir stríðnislega. „Annars varð leiðtoga-
fundur stórveldanna á síðasta ári til þess
að auka þekkingu mína á Islandi. Banda-
rísku sjónvarpsmennirnir fjölluðu ekki
einungis um pólitík heldur einnig um menn-
ingu þjóðarinnar og ýmislegt varðandi
daglegt líf þarna á hjara veraldar... Ég
veit t.d. núna töluvert um íslenska stjórn-
málakerfið og komst að þvi að fopsetinn
ykkar er huggulegur kvenmaður! Ég veit
líka að forsætisráðherrann (Steingrímur
Hermannsson) er menntaður úr bandarísk-
um háskóla. Leiðtogafundurinn var ykkur
mikilvæg og nauðsynleg landkynning. Al-
mennt þekkingarleysi gagnvart íslandi er
ríkjandi og betur má ef duga skal.
Ég þekki íslenskan námsmann úr skólan-
um hér sem hefur verið ötull við að fræða
mig um land og þjóð. Ég kann meira að
segja eitt íslenskt orð,“ segir hann og með
sterkum, pakistönskum hreim stynur hann
upp orðinu „dræsa“ á milli hláturshvið-
anna. Við nánari eftirgrennslan kom í ljós
að Amjed hafði séð síðasta áramótaskaup
á myndsegulbandi hjá fyrrgreindum íslend-
ingi þar sem m.a. var gert grín að Raisu
Gorbatsjovu.
Og hvernig leist Pakistananum á íslenska
áramótaskaujDÍð?
„Þrælvel! Eg skildi nú ekki mikið en vin-
ur minn þýddi jafnóðum og útskýrði hin
ýmsu atriði. Þið hafið góðan húmor!!“
31. TBL VI KAN 19