Vikan - 30.05.1940, Síða 2
Hinn 38 ára gamli konungur, Leopold III. með belgiskum hershöfðingja.
Leópold Belgíukonungur.
2
egar núverandi Belgíukonungur, Leo-
pold III., var á f jórtánda árinu, skrif-
aði hann frá Englandi, en þar var hann
í skóla, að hann vildi gerast hermaður.
„Það geturðu fengið,“ svaraði Albert kon-
ungur, faðir hans, „því að ég vil gjarnan,
að þú kynnist því, hvemig stríð er.“ —
5. apríl 1915 var prinsinn, hár vexti og
fölleitur, settur í belgiska fótgönguliðs-
sveit, sem var innan skotfæris Þjóðverja
við Yser. Hann lærði að berjast með byssu-
stingjum, gera skotgrafir, sofa á hörðum,
óþægilegum fletum, vakna snemma og
hlýða — og stundum var hann með sveit
sinni í eldlínunni. En þegar sumarið var
liðið, var hann aftur sendur til Eton, því
að tilvonandi konungur þurfti margt að
læra.
Leopold konungur var aðeins 32 ára, er
hann tók við konungstign og nú er hann
yngsti ríkjandi konungur í Evrópu, 38 ára,
en hann er.talinn vera sá þeirra, sem mest
áhrif hefir á stjórnmálin innan lands. Hann
hefir oft neitað að skrifa undir lög, nema
þeim væri breytt eftir ósk hans, og semur
sjálfur ræður sínar, jafnvel þótt um mikil-
væg stjórnmál sé að ræða, en það er meira
en hægt er að segja um aðra konunga.
Á þeim stutta tíma, sem liðinn er síðan
hann tók við ríki, hefir hann gerzt sá mað-
ur, sem mest ræður í belgisku þjóðlífi,
enda hefir þingið gefið honum svo mikið
vald að segja má, að hann geti verið ein-
ráður, og nú hefir hann með höndum yfir-
stjórn hers síns.
Aðeins einu og hálfu ári eftir að faðir
hans dó af slysförum í fjallgöngu, missti
hann konu sína, Astrid, í bílslysi í Sviss.
Hún var sænsk prinsessa. Það reiðarslag
hefir haft mikil áhrif á hann. Mjög sjald-
gæft er það, að menn sjái hann brosa.
I sorg sinni leitaði Leopold konungur
sér hugsvölunar í mikilli vinnu. Hann er
sterkbyggður maður, leikur golf og er dug-
legur f jallgöngumaður, eins og faðir hans,
sundmaður og iðkaði skíðagöngur — og
í hinni miklu styrjöld, sem nú geisar, er
hann yfirhershöfðingi belgiska hersins.
Leopold konungur er með afbrigðum
vinsæll. Hann er hár vexti, með ljóst,
hrokkið hár, hátt enni, andlitið útitekið
og röddin djúp. Þegar hann í einkennis-
búningi tekur á móti gestum, er hann mjög
unglegur og feiminn eins og skóladrengur.
Á ferðalögum er hann, líkt og faðir hans,
mjög fordildarlaus. Eitt sinn frétti sviss-
VIKAN, nr. 22, 1940
neska lögreglan, að Leopold konungur ætl-
aði með hraðlest til Tyrol og vera þar
stuttan tíma í fjallgöngum. I Basel vildi
lögreglan taka á móti honum og bjóst
við, að hann væri í fyrsta flokks vagni, en
sá hann þar hvergi. Skömmu síðar kom
hann út úr þriðja flokks vagni, með þung-
an bakpoka. Hann þakkaði lögreglunni
fyrir hugsunarsemina og hélt svo á eftir
hinum farþegunum þangað, sem skipta
átti um lest.
Konungurinn hefir víða ferðast, t. d.
heimsótt Egyptaland, brezkar, franskar
og portúgalskar nýlendur í Afríku, Austur-
Indland Hollendinga, Indo-Kína, Banda-
ríkin og Brazilíu og tvisvar verið í belgiska
Congo, í fyrra skiptið í meira en hálft ár.
Hann hefir mikla þekkingu á öllu, sem
viðkemur Belgíu og þess geisimiklu nýlend-
um í Afríku.
Leopold hefir áhuga á mörgu. Einkum
er honum hugleikið að fást við skordýra-
fræði, grasafræði og egypzk fræði. Hann
hefir hlotið yfirgripsmikla menntun.
Frönsku, ensku, þýzku og belgisku málin,
flæmsku og vallensku, talar hann reiprenn-
andi. Hann hefir numið lögvísindi, stjórn-
mál og hagfræði, gengið í gegnum her-
mannaskólann og verið meðlimur belgiska
þingsins.
Áður en styrjöldin brauzt út reyndi
hann að bera sáttarorð á milli. Allir vita,
hvernig komið er — og nú er hann æðsti
maður þess hers, sem reynir að verja land
sitt í þeim hryllilega hildarleik, er borizt
hefir yfir land hans.
*
Hár aldur.
Það er eins og menn vita sjaldgæft, að
fólk verði hundrað ára. En þó getur það
komið fyrir, að menn verði 150 ára og
eldri. Ekki er vitað, að nokkur hafi náð
svo háum aldri á Norðurlöndum. Næst
kemst Norðmaðurinn Drakenberg, sem
varð 146 ára. Hann dó 1772. En í Englandi
var uppi fyrir löngu maður, er varð 152
ára. Hann hét Thomas Parr og var bóndi.
Þegar hann varð 120 ára kvæntist hann í
annað sinn. Sonur hans varð 127 ára. Þeir
lifðu báðir mjög tilbreytingarlitlu lífi og
voru hófsmenn á mat og drykk.
Vi ka n
HEIMIUSBLA8
Ritstjóri: Kirkjustræti 4. Pósthólf 365.
Afgreiðsla og innheimta: Austurstræti 17.
Sími 5004. Pósthólf 166.
Verð: kr. 1,75 á mánuði, 0,45 í lausasölu.
Steindórsprent h.f.
ÚTGEFANDI: VIKAN H.F., REYKJAVÍK. Ritstjóri: Jón H. Guðmundsson, Kirkjustræti 4. Pósthólf 365. — Ábyrgðarm.: Steindór
Gunnarsson. — Framkvæmdarstjóri: Engilbert Hafberg, Austurstræti 17. Sími 5004. Pósthólf 166.