Vikan - 24.01.1994, Blaðsíða 41

raunar minnst á út á við.
Þetta getur verið mjög
skemmtilegt starf og farið vel
saman við stjórnmálastarf.
Ég hef núna málflutnings-
réttindi fyrir héraðsdómi en
markmiðið er að verða
hæstaréttarlögmaður."
Hvað með dómarasæti, í
Hæstarétti jafnvel? „Nei, ég
hef ekki áhuga á dómara-
störfum enda væri ég þá bú-
inn að dæma mig úr leik í
stjórnmálunum. Einhvern
veginn finnst mér ég ekki
rétta manngerðin í dómara-
sæti. Mér finnst meira
spennandi að flytja mál og
bíða spenntur eftir niður-
stöðu. í slíku starfi reynir
bæði á rökræna hugsun og
góðan málflutning." En Al-
þingi? „Fjarri lagi. Alþingi er
ekki spennandi vinnustaður,
eins og það er í dag. Borgar-
stjórn er að því leyti ólík
þinginu að þar er málum
hrint í framkvæmd. Slíkt ger-
ist ekki í landsmálapólitík
nema ef til vill í ríkisstjórn.
Ég vil fá að sjá hlutina ger-
ast, allt frá teikningum til
loka, frekar en að tala mikið
og gera minna. Mig langar
að starfa sem lengst á sviði
borgarmála, enda held ég
að mig skorti þolinmæði til
þess að sitja á þingi. Og ég
neita því ekki að ég tel hik-
laust að borgarstjóri gegni
skemmtilegasta starfi sem
völ er á,“ segir Sveinn Andri
og túlki nú hver fyrir sig.
„Borgarfulltrúar eru alltaf f
vinnunni, hafa engan ákveð-
inn vinnutíma nema borgar-
stjórnin fundar tvisvar í mán-
uði. Meginstarfið er í nefnd-
um. Maður er alltaf á ferð og
flugi þannig að vinnutíminn
er sveigjanlegur. Þegar mest
er að gera mæti ég um
klukkan sex á morgnana á
Lögheimtuna og næ jafnvel
að klára þar fyrir hádegi. í
borgarstjórninni koma álags-
punktar í hryðjum og mér
hefur tekist ágætlega að
samhæfa þessi störf. Ég
reyni síðan að eiga kvöldin
heima í faðmi fjölskyldunn-
ar.“
BÍTUM BARA Á
JAXLINN
Sveinn Andri er kvæntur
Erlu Árnadóttur framhalds-
skólakennara og eiga þau
soninn fyrrgreinda, Svein Al-
exander, og í mars er von á
fjölgun. „Við giftum okkur
síðastliðið sumar eftir að ég
náði að semja við kaþólska
biskupinn yfir íslandi um að
hann leyfði lúterska giftingu í
hinni kaþólsku Landakots-
kirkju. Okkur langaði að gifta
okkur þar því, með fullri virð-
ingu fyrir öðrum kirkjum,
okkur þykir hún vera falleg-
asta kirkjan á íslandi," segir
Sveinn Andri og ekki má
sleppa honum við að ræða
örlítið um eftirminnilega
steggjaveislu hans fyrir
brúðkaupið. „Hún varð fræg
í fjölmiðlum. Félagar mínir
flugu með mig á rússneskri
tvíþekju austur á Selfoss. í
bakaleiðinni var flogið lág-
flug yfir minkabú þannig að
læðurnar átu unga sfna sem
eru einhver ósjálfráð
hræðsluviðbrögð. Úr þessu
varð úlfaþytur hinn mesti. Ég
vissi sjálfur ekkert hvað var
á seyði, var bara aftur í vél-
inni þar sem félagar mínir
reyndu að kenna mér að
SPURNING UM
PENINGA
Ágætt dæmi um mál sem
styr hefur staðið um er hluta-
félagsbreyting SVR. „í Ijósi
þess að farþegum hafði
fækkað mjög þó að þjónusta
væri aukin var greinilega
breytinga þörf. Hins vegar
var Ijóst, þegar frá upphafi,
að fyrirtækið myndi lúta al-
mennum markaði og starfs-
menn gætu ekki verið í
starfsmannafélagi borgarinn-
ar. Stjórnendur fyrirtækisins
hafa sjálfstæði í rekstrinum
þótt borgin eigi hlutaféð. Þeir
tóku þá ákvörðun að ganga í
VSÍ og þar með verða virk
forgangsréttarákvæði milli
ASI og VSÍ. Þegar við breytt-
um félaginu gáfum við loforð
um að starfsmennirnir héldu
fyrri kjörum sínum sem við
■ „Davíð er, að mfnu mali, okkar
mikilhæfasti stjðrnmálamaður f
dag. I borgarstjórn var hann mjög
afgerandi f hópnum og menn fylgdu
honum. Hæfileikar Markúsar liggja
í þvf að hann hefur lag á að nýta sér
samherja sína og treystir þeim hik-
laust fyrir erfiðum verkefnum."
cfrekka viskí sem fór allt ofan
í þá en ekkert í mig því þeir
þurftu svo mikið að sýna
mér! Sjálfum finnst mér
sterkir drykkir vondir, byrjaði
seint að bragða áfengi en
finnst gott að fá mér bjór-
sopa eða rauðvínsglas með
mat. Þetta hefur valdið mikilli
örvæntingu meðal vina
minna,“ segir Sveinn Andri.
Stjórnmálamenn, einkum
þeir sem vilja framkvæma,
verða gjarnan fyrir alls konar
persónulegum árásum og
jafnvel svívirðingum fyrir vik-
ið. Sveinn Andri hefur ekki,
frekar en aðrir, farið varhluta
af þessu. Hann segist vera
búinn að klæða sig í þykkan
skráp gagnvart áhrínsorðum
þvi síst af öllu langi sig til
þess að sigla einhvern lygn-
an sjó. „Erfiðum verkefnum
fylgir iðulega mikil andstaða.
Sá, sem hellir sér út í stjórn-
mál, glatar sjálfkrafa hluta af
friðhelgi sinni en sárast þykir
mér hvernig þetta bitnar á
fjölskyldunni. Konan mín
tekur það oft mjög nærri sér
þegar henni þykir ómaklega
að mér vegið. Við reynum þá
bara að bíta á jaxlinn."
teljum að þeir hafi gert. Hver
og einn starfsmaður gerir
sinn eigin starfssamning við
SVR hf. Málið er hins vegar
að BSRB vill halda í þetta
fólk því það munar mjög um
félagsgjöldin, auk þess að
vera í grundvallaratriðum á
móti svona breytingum. For-
maður starfsmannafélags
Reykjavikurborgar annars
vegar, sem reyndar er ritari
Alþýðubandalagsins, og for-
maður BSRB hins vegar
hafa haldið starfsmönnum í
þeirri trú að hagur þeirra
væri tryggari í starfsmanna-
félagi borgarinnar, sem ég
tel fjarri lagi, og síðan því að
þeim hafi verið lofað að þeir
yrðu áfram í starfsmannafé-
laginu. Þeim hafði aldrei ver-
ið lofað því. Að mínu mati er
verið að draga fólk út í að-
gerðir sem munu aldrei skila
neinu. Þessu er bara haldið i
gangi nálægt kosningum til
að skapa ólgu. Fyrst og
fremst er um pólitískar að-
gerðir að ræða sem er stefnt
gegn borgarstjórnarmeiri-
hlutanum og mér persónu-
lega sem stóð að þessu.
Enda hefur meira en helm-
ingur starfsmannanna skrif-
að undir samninga við hluta-
félagið. Þetta er fyrst og
fremst spurning um pólitík
og peninga frekar en hags-
munabaráttu."
Sveinn Andri hefur starfað
undir stjórn tveggja borgar-
stjóra á kjörtímabilinu, Dav-
íðs Oddssonar og Markúsar
Arnar Antonssonar. Hann
segir þá mjög ólíka stjórn-
endur. „Davíð er, að mínu
mati, okkar mikilhæfasti
stjórnmálamaður í dag. í
borgarstjórn var hann mjög
afgerandi í hópnum og
menn fylgdu honum. Hæfi-
leikar Markúsar liggja í því
að hann hefur lag á að nýta
sér samherja sína og treystir
þeim hiklaust fyrir erfiðum
verkefnum."
Nú stendur yfir undirbún-
ingur fyrir prófkjör sjálfstæð-
ismanna og verður ekki fram
hjá því litið í spjalli sem
þessu. Sveinn Andri segist
mjög hógvær í framboði sínu
með því að stefna á fimmta
sætið. Á oddinum eru átak í
leikskólamálum þannig að
öll börn, tveggja ára og eldri,
komist inn, aðhald í borgar-
rekstri og mörg fleiri ^verk-
efni, enda af nógu að taka.
Líklegt verður að teljast að
Sveinn sitji áfram í borgar-
stjórn í Reykjavík en þrátt
fyrir að hann hafi gripið til
fósturjarðarinnar og ausið
henni yfir andstæðing sinn í
fótboltanum forðum kveður
hann pólitíska andstæðinga
sína ekki þurfa að hafa
áhyggjur af því að hann grípi
til gróðurmoldar í blómapott-
um þegar hart verður gengið
fram í andstöðunni. „Ég er
allur spakari núorðið og hef
verið alveg rólegur f Ráð-
húsinu,“ segir hann og er
farinn að iða í sæti sínu, hef-
ur raunar róið nokkuð f sóf-
anum allt viðtalið. Því er ráð
að máli linni svo hinn ungi
fulltrúi geti lagst aftur á ár-
arnar um borð í áróðurs-
skútu sinni. □
l.TBL.1994 VIKAN 41
STJÓRNMÁL