Vikan - 11.06.1998, Page 42

Það eru sjálfsagt margir sem eru til í að
skála fyrir Meryl Streep á afmælisdag-
inn. Það þarf ekkert að ræða sérstaklega
um feril þeirrar konu, hún hefur slegið í
gegn í hverri myndinni á fætur annarri.
Og nú á frúin afmæli, nánar tiltekið 22.
júní, þegar hún verður 49 ára. Ungleg,
ekki satt?!

*
Leikkonan Nicole Kidman, er að verða
31 árs. Hún fæddist 20. júní 1967 í
Honolulu á Hawaii, ólst upp í Astralíu,
byrjaði í ballett þriggja ára (það útskýr-
ir sennilega fjaðurmagnað göngulag
hennar!), var útnefnd besta leikkona
Ástralíu þegar hún var 17 ára, hefur of-
næmi fyrir býflugum og er gift hj artaknús-
aranum Tom Cruise. Þau hafa ættleidd
tvö börn, Conor Anthony og Isabellu
Jane. Síðast þegar fréttist af þeim voru
þau að spá í að kaupa sér íbúð í Prag, en
þau heilluðust af borginni þegar þau
dvöldu þar við tökur á kvikmyndinni
“Mission Impossible”...
Georgios Kyriacos Panayiolou verður
34 ára 25. júní. Og hver er þessi Panayi-
olou? kunnið þið að spyrja. Þið þekkið
hann sem George Michael... Þessiheims-
frægi söngvari fæddist í norðurhluta
Lundúna og á breska mömmu en grísk-
an föður. Hann varð hugfanginn af söng
mjög ungur að árum þegar hann hlust-
aði á hljómplötur mömmu sinnar. Það
voru einkum Supremes og Tom Jones
sem hann heillaðist af og hann horfði ekki
bara á vinsældalistann í sjónvarpi - hann
lærði utan að hverja einustu hreyfingu
stjórnendanna! George Michael hefur
ekki átt sjö dagana sæla að undanförnu.
Þið getið sent honum stuðningsyfirlýs-
ingu í gegnum alnetið ef þið viljið....
Kathleen Turner verður 44 ára 19. júní.
Eins og margar aðrar stjörnur skipti þessi
ágæta kona um nafn þegar hún fór að
klifra upp stiga fræga fólksins í
Hollywood. Kathleen heitir nefnilega
Mary Kathleen - og sleppti Maríunafn-
inu þegar frægðin bankaði upp á. Hún er
gift Jay Weiss og þau eiga dótturina
Rachel Ann...
42