Menntamál - 01.12.1933, Blaðsíða 18

146
MENNTAMÁL
Eiindi Eiríks Jönssonar
flutt við vígslu heimavistarbarnaskólans að Brautarholti
á Skeiðum, 16. des. 1933.
Góðir áheyrendur!
Þa'ð þykir hlýða að gera nokkra grein fyrir tildrögum og
sögu hyggingar þessarar, sem við erurn nú stödd i, þar sem
þessi samkoma er minning þess, að verk það, sem hér hefir
verið unnið, er nú fullgert, eða að svo miklu leyti er gert verð-
ur í þetta sinn, þó taka megi þaö fram, að enn er æði margt,
sem gera þarf til fullkomnunar því.
Hér í þessari sveit, eins og víðast hvar annarsstaðar, var
barnafræðslu æði ábótavant fram yfir síðustu aldamót. Mun
öllu eldra fólki það kunnugt, en fyrir ungu kynslóðina er það
endursögð saga um úrelt fyrirkomulag á uppeldismálum þjóð-
arinnar, sem þó því miður er enn að finna æöi víða í sveit-
um landsins.
Allir þeir sem fræðslu unna og hafa ekki átt kost á að
njóta þess, sem nú er í té látið, til þess að gera hvern ein-
stakling að betri þegn í þjóðfélaginu, líta með söknuði til
þess, hvers þeir hafa farið á mis með tilliti til þeirrar aðstöðu
og þeirra skilyröa, sem nú eru að verða.
Vér getum hér í kvöld hugsað um þann mismun á kjörum
kennara og aðstöðu barna, þegar kennarinn varð að ferðast
bæja milli, dvelja 1—3 vikur á hverjum, án nokkurs sérstaks
fyrirfram ákveðins skipulags, eiga það undir dutlungum
ráðamanna, hvernig þeim væri ráðstafað í það og það sinnið,
verða að hafast við í köldum, þröngum og lélegum húsakynn-
um, ef til vill innan um annað fólk, snauðir af öllum kennslu-
áhöldum, og hafa þar að auki ekki átt lcost á að afla sér þeirr-
ar sérþekkingar, sem til þess þarf og nú er krafist, að vera
sjálfir hæfir til starfsins.
Með lögum um fræðslu barna frá 1907 breytist þessi að-