Menntamál - 01.11.1945, Blaðsíða 11
MENNTAMÁL
185
ÞÓRLEIFUR BJARNASON:
Skólamál sveita og kanptúna
ERINDI FLUTT Á ALMENNU KENNARAÞINGI 1945
(Frh.)
Á námseftirlitssvæði Vesturlands eru, eins og áður er
sagt, 15 fastir skólar í kauptúnum. Flest þessara kaup-
túna fengu skólahús með fræðslulögunum eða voru áður
búin að fá þau. Mörg þeirra búa við sömu húsakynni með
litlum eða .jafnvel engum breytingum. Sum þessara skóla-
húsa eru langt frá því að fylla þær kröfur, sem gera verð-
ur til nýtízku skólahúsa, eru þröng, jafnvel hrörleg og
óhrjáleg, svo að varla getur talizt forsvaranlegt að kenna
í þeim léngur. Af 15 skólahúsum þurfa 8 bráðrar upp-
byggingar. Sjö kauptún eiga ýmist við að búa nýreist
skólahús eða gömul, en svo rúmgóð og vel við haldin, að
nægja mun um nokkra framtíð. Tvö af hinum átta skóla-
húsum verða endurbyggð í sumar, og á öðrum tveim verð-
ur vonandi hafin bygging. Má því segja, að þar horfi til
ánægjulegra endurbóta.
Skólar kauptúnanna eiga við nokkra festu og reynslu
að búa, eftir nær fjörutíu ára starfsemi. Margir ágætir
menn hafa yiír'þa unnið og vinna enn — menn, sem hafa
mikið á sig lagt til þess að starfið gæti borið sem beztan
árangur og auk þess lagt á sig hvers konar aukastörf til
félagsstarfsemi meðal fullorðinna og barna, — orðið hinir
beztu leiðtogar og lagt drjúgan skerf til menningar kaup-
túnsins. Kennslustörfin við þessa skóla hafa oft verið erf-
ið og tímafrek og aðstæður óhægar. Einn kennari, sem
þarf að kenna um fjörutíu börnum á aldrinum sjö til fjórt-