Menntamál - 01.12.1966, Page 4

210
MENNTAMÁL
Það er ekkert að harma íslenzku börn,
þótt ykkur sé skammtað það,
að læra tólf þúsund íslenzk orð
og innfæra rétt á blað.
Þið þurfið þau öll þessi áhöld vitsins,
ef eitthvað fagurt skal gert,
sem höndin vill starfa, hugann dreymir
háleitt og mikilsvert.
Því orðin liggja til alls fyrst — og þó
— í andans tjáninga sal
eru tónstigans hátign og talnanna teikn
einnig tæki, sem nota skal.
I stærðfræði, tónlist og innblásnum orðum
skapar andinn sinn tignasta hrag
og þetta, sem eitt sinn var útvaldra gaman
er alþýðumenntun í dag.
II.
Nú veit ég að heimur hugsandi manns
liggur hátt yfir kotbúransstorð,
en Afríku-negri er naumast svo sljór,
að hann nemi ekki tólf þúsund orð.
til liversdags gagns, og teikni þau táknum
töluvert erfiðri en það,
að skila íslenzkum orðum á pappír
með allt á réttum stað.