Menntamál - 01.06.1970, Blaðsíða 20

Alyktanir aðalfundar F. H. K
Ályktun um kennaramenntun og
kjaramál
Aðalfundur FHK, haldinn í Reykja-
vík 12. júní 1970, ítrekar þá grund-
vallarstefnu félagsins í kjaramálum,
að kennarar taki laun eftir menntun,
en ekki eftir því á hvaða skólastigi
þeir starfa, og séu þau í samræmi
við laun annarra starfsmanna með
sambærilega menntun. Framkvæmd
þeirrar stefnu er grundvallarskilyrði
þess, að hægt verði að fullnægja
þörf hvers skólastigs fyrir kennara
með nægilega menntun, en umbæt-
ur á skólastarfi og stöðug endurnýj-
un þess er í framkvæmd öðru frem-
ur undir því komin að það takist.
Fundurinn vekur athygli lands-
manna á því háskalega stefnuleysi
í skólamálum, sem m. a. birtist í
því, að á sama tíma og Kennara-
skóli íslands útskrifar nemendur
með kennsluréttindum á skyldu-
námsstigi svo hundruðum skiptir
umfram eftirspurn, með starfsundir-
búning, sem þegar er talinn ófull-
nægjandi, er gífurlegur skortur há-
skólamenntaðra kennara á gagn-
fræðastigi í bóknámsgreinum.
Samkvæmt yfirlitsskýrslu frá
fræðslumálaskrifstofunni um setta
og skipaða skólastjóra og kennara
við skóla gagnfræðastigsins skóla-
árið 1968—69, höfðu aðeins 16,5%
bóknámskennara á gagnfræðastigi
fyllstu réttindi til kennslu. Kennara-
skortur í bóknámsgreinum er því
rúmlega 80% á gagnfræðastigi.
Það er því krafa FHK, að jafn-
hliða skipulagsbreytingum og um-
bótum á starfi Háskóla íslands, er
miði að því að auka framboð há-
skólamenntaðra kennara fyrir önnur
skólastig, verði laun þeirra bætt
svo, að kennslustörf verði a. m. k.
jafneftirsóknarverð með tilliti til
launa og þau störf önnur, sem há-
skólamenntaðir menn stunda.
Fundurinn fagnar því að önnur
kennarasamtök taka nú í vaxandi
mæli undir kröfur FHK um bætta
menntun kennarastéttarinnar í heild
og krefst þess að ekki verði lengur
skotið á frest að setja skýr og ótví-
ræð lagaákvæði um menntun og
réttindi bóknámskennara á gagn-
fræðastigi, enda verður því ekki
framar við borið, að um nauðsyn
þess ríki ágreiningur milli kennara-
samtakanna.
Ályktun um framkvæmd og
fyrirkomulag námskeiða
fyrir starfandi kennara
Aðalfundur Félags háskólamennt-
aðra kennara, haldinn 12. iúní 1970,
fagnar því að Skólarannsóknir
menntamálaráðuneytisins hafa lagt
fram uppkast að tillögum um fram-
kvæmd og fyrirkomulag námskeiða
fyrir starfandi kennara.
Fundurinn lýsir stuðningi við þá
hugmynd, að fastari skipan verði
komið á fræðslustarfsemi íyrir kenn-
ara og þeim gefinn kostur á vjöl-
breytilegri endurmenntun og sér-
hæfingu, kynntar nýjungar í náms-
efni, kennslutækni og kennsluað-
ferðum og hafi greiðan aðgang að
upplýsingum um námskeið, ráðstefn-
ur, skólamót og sýningar erlendis
og stefnt verði að því að koma upp
sumarskóla og fjarmiðlunarskóla,
auk styttri námskeiða.
Fundurinn telur eðlilegt að slík
fræðslustarfsemi sé rekln undir
stjórn nefndar, sem skipuð sé full-
trúum frá F.H.K., L.S.F.K., S.Í.B.,
Háskóla íslands, Kennaraskóla ís-
lands og Skólarannsóknum mennta-
málaráðuneytisins auk íramkvæmda-
stjóra. Náið samstarf þarf og að
hafa við félög sérkennara og þá,
sem stjórna framkvæmdum við end-
urnýjun námsefnis í einstökum grein-
um á vegum Skólarannsókna.
Fundurinn bendir á að brýnasta
verkefnið, sem leysa þarf á næstu
árum með námskeiðahaldi, er að búa
kennara undir umfangsmeiri endur-
nýjun námsefnis og djúptækari
breytingar á kennsluaðferðum í vlest-
um greinum en áður eru dæmi fil.
Aðalfundur F.H.K. leggur áherzlu
á að þátttaka kennara í námskeið-
um og framhaldsnámi, sem lýkur
með prófi, verður að geta tryggt
þeim aukin réttindi og launahækk-
un með því að nám, sem lokið er
á námskeiðum eða í sumarskóla,
verði metið með hliðsjón af námi í
háskóla eða kennaraskóla.
vægasta stofnun þjóðfélagsins. Samkvæmt þessu er
talað um nýja samfélagsgerð: Skólasamfélagið.
Hálfkák það, sem einkennt hefur aðgerðir okkar ís-
lendinga í skólamálum undanfarin ár, er ömurlegt,
þegar þessar staðreyndir eru hafðar f huga. Afleiðing
þess er sú, að við drögumst stöðugt aftur úr öðrum
menningarþjóðum á sviði efnahags og menningar-
mála. Þessari þróun verður að snúa við. Við höfum
um tvennt að velja, að dragast enn meira aftur úr, eða
sækja á brattann. Við verðum að hefja markvissa og
stórhuga sókn í menntamálum þjóðarinnar. Og það
verður að byrja á byrjuninni, leggja hornsteininn i'yrst:
Að sjá skólunum fyrir nægilega mörgum og vel mennt-
uðum kennurum.
MENNTAMÁL
102