Bjarmi - 01.04.1996, Blaðsíða 21
UM VÍÐA VERÖLD
450 ár frá dánardœgri
Lúthers
Marteinn Lúther lést 18. febrúar árið 1546. Það eru því
450 ár frá dánardægri hans um þessar mundir. Þess hefur
víða verið minnst í lútherskum kirkjum og þarf það ekki
að koma á óvart því fáir kristnir einstaklingar hafa haft
meiri áhrif á samtíð sína og allar götur síðan en Marteinn
Lúther.
Ofsóknir gegn
kristnum
Aðstæður kristinna manna eru einna verstar í islömskum
ríkjum. Þetta kemur fram í yfirliti um ofsóknir á hendur
kristnum mönnum í blaðinu Ápne Dorer. Sómalía er efst á
listanum en önnur lönd sem eru ofarlega á blaði eru Sádí-
Arabía, Súdan, Komorene, íran, Marokkó, Egyptaland,
Quatar, Maldivene og Jemen. Lönd sem ekki eru islömsk
og eru ofarlega á listanum eru Kína og Norður-Kórea.
Ástandið virðist hafa versnað undanfarið, einkum í
ýmsum löndum islams, svo sem Sómalíu, Egyptalandi,
Alsír, Marokkó og Úsbekistan.
10/40 glugginn
Landsvæðið, sem afmarkað er með rammanum, er á milli
10. gráðu og 40. gráðu norðlægrar breiddar og er
stundum nefnt „10/40 glugginn". Þar eiga heima 95%
þeirra jarðarbúa sem þekkja ekki fagnaðarboðskapinn um
Jesú Krist - en einungis fimm að hverjum hundrað
kristniboðum starfa á þessu svæði. Dökki bletturinn er
Egyptaland. Sjá greinar á bls. 24 og 28 hér í blaðinu.
Noregur:
Meiri hluti vill þjóðkirkju
áfram
54% Norðmanna vilja óbreytta skipan mála varðandi norsku þjóðkirkjuna. 27%
vilja aðskilnað ríkis og kirkju. Þetta eru niðurstöður nýlegrar könnunar þar í
landi. Fleiri konur en karlar vilja að norska kirkjan verði áfram þjóðkirkja. 57%
aðspurðra kvenna telja núverandi skipan góða en 51% karla.
Bretland:
Múslimar krefjast
viðurkenn ingar
Múslimar á Bretlandi verða æ rneir áberandi. Sl. haust voru haldnar fjölmennar
ráðstefnur í London undir yfirskriftunum „Islam - eini vegur mannkyns1' og
„Islam - hugsjón handa Bretlandi". Auk þess voru haldnar margar rninni
ráðstefnur á síðasta ári þar sem mikilvægi Islams var haldið á lofti. Þeir sem
fylgjast rneð starfsemi múslima á Bretlandi segja að þeir krefjist aukinnar
eftirtektar og viðurkenningar bæði almennt meðal þjóðarinnar og einnig í
einstðkum borgum og bæjum.
Bhútan:
Kristnir söfnuðir starfa á laun
í Thimpu, höfuðborg Bhútans, hefur lítill, kristinn söfnuður starfað meira og
minna á laun í 15 ár. Meirihluti safnaðarmanna á rætur að rekja til Nepal og
hafa þeir hlotið stuðning kristinna manna handan landamæra Indlands.
íbúar Bhútans eru flestir búddhatrúar. En i áranna rás hafa nokkrir litlir,
kristnir söfnuðir myndast. í þrjú skipti hafa þeir átt kost á að hittast á sameigin-
legri ráðstefnu kristinna manna i landinu sent nú eru taldir nokkur hundruð.
Malajsía:
Kirkjuklukkur bannaðar
Yfirvöld í bænum Kota Baharu í Kelantanfylki í Malajsíu hafa bannað kristnum
mönnum að nota kirkjuklukkur og syngja sálma. Islam er ríkistrú í Malajsíu og
era strangtrúarmúslimar áhrifamiklir bæði I landsstjórn og bæjarstjóm.
Bannið tók gildi 10. október sl. og gildir einnig fyrir hindúa. Þeim er bannað
að syngja og dansa á hátíðum sínum. Hasan Abdullah, talsmaður bæjar-
stjórnarinnar, segir að uppátæki af þessu tagi séu andsnúin sannri trú og leiði til
siðleysis.