Heima er bezt - 01.06.1973, Blaðsíða 9

Rauðgreni frá árunum 1954—55. Seinsprottnara en sitkagrenið, en hefur náð að mynda góða árssprota siðastliðið sumar.
Myndirnar tók Guðmundur Gunnarsson á Laugum i júní 1973.
mörg broshýr andlit, sem eiga brýnt erindi við ömmu
og afa.
Það er gleðiríkt að koma inn í stofuna þeirra Unnar
og Tryggva í litla steinhúsinu, sem þau byggðu sér ung
Þar eru blóm í urtapottum. Þar er fjöldi ágætra bóka,
og þar er hljóðfærið góða.
í viðræðum getur hvað eina borið á góma, sem
varðar hið undursamlega fyrirbrigði, sem nefnt er líf.
En mestri undrun veldur að koma upp í skógarreit-
inn í brekkunni og sjá þann árangur, sem skógræktar-
maðurinn Tryggvi Sigtryggsson hefur náð á nokkrum
áratugum. Það er svo lærdómsríkt 'og sannfærandi, að
jafnvel hinir vantrúuðu geta ekki annað en öðlast trú
á möguleika til ræktunar nytjaskóga á íslandi, fyrir
utan töfra þeirrar fegurðar, er við auga blasir.
Ólíklegt er, að skáldið, Piet Hein, viti deili á rækt-
unarmönnum á íslandi, og fæstir þeirra munu þekkja
Ijóð það, sem vitnað var til í upphafi máls. En skap-
andi vinna skáldsins og skógræktarmannsins spinna sam-
hliða þætti í litríka voð mannlífsins. Hvort tveggja er
af hinu góða.
Tryggvi Sigtryggsson hefur ekki gróðursett eitt tré,
heldur mörg. Þau vaxa og veita óbornu lífi skjól. Hann
hefur ekki stigið aðeins eitt skref, heldur mörg, áleiðis
hinn endalausa veg.
Uppskera hans hefur ekki mettað einn munn, heldur
marga.
Hlutabréf hans í framtíðinni munu halda áfram að
aukast að verðgildi og bæta við sig vöxtum og vaxta-
vöxtum.
Tryggvi i sitkagrenilundi, trén gróðursett á árunum 1954—55.
Heima er bezt 189