Æskan - 01.02.1972, Page 62

Ævintýrið um Þyrnirós
1. Hann ákvað að ríða inn í rikið og reyna að vekja hina sofandi prinsessu. Hann brýndi bezta sverðið sitt og hvessti lengsta spjótið
sitt, og eftir eins dags reið var hann kominn að þyrnigerðinu, sem sagt var, að höllin lægi bak við. Það virtist vera svo einkenni-
lega friðsamt kringum þyrnigerðið. — 2. ,,Jæja, stökktu nú, Brúnn!“ hrópaði prinsinn glaður til hestsins og reið að þyrnigerðinu
á miklum hraða. En ó, ó, hvað hann stakk sig óþyrmilega á þyrnunum. Það var alveg eins og að ríða beint á nálabréf, og prinsinn
varð næstum reiður. Þetta hafði sannarlega ekki fylgt frásögn ævintýrisins. — 3. Því meir sem hann sveiflaði sverðinu og stakk með
spjótinu, því flóknara varð þyrnigerðið. Það vafðist eins og ormar um handleggi hans og fætur, og að síðustu var hann svo sundur-
tættur, að hann gat ekki haldið lengra. Föt hans voru i tötrum, og það blæddi úr mörgum sárum.
4. ,,Nei, þessi sofandi prinsessa má víst sofa áfram min vegna," möglaði prinsinn reiðilega, keyrði hest sinn sporum og reið aftur
heim til hallar sinnar. Nú ætlaði hann að biðja drottninguna að leggja plástra á allar skeinurnar, sem þessir andstyggilegu þyrnar
höfðu rifið á fætur hans, handleggi og nef. — 5. Bráðlega breiddist orðrómurinn til annarra landa um prinsinn, sem reyndi að fara
í gegnum þyrnigerðið, og nú vildu allir reyna. Það varð mikil samkepþni um það milli prinsa frá ýmsum löndum, hver þeirra gæti
leyst af hendi þessa erfiðu reið. Þeir æfðu sig heima. — 6. En enginn þessara ungu, hraustu manna hafði gæfuna með sér, þó að
þeir væru klæddir I þykk herklæði úr járni, til þess að þyrnarnir gætu ekki stungið þá. Þyrnigerðið var og hélt áfram að vera svo
þétt, að ófært var i gegnum það, þvi að ennþá voru ekki liðin hundrað ár og álögum álfkonunnar var þess vegna ekki ennþá létt af,
en það vissu prinsarnir ekki.

Árgangur ÆSKUNNAR árið
1972 kostar kr. 500,00. Gjald-
dagi blaðsins er 1. apríl n.k.
Borgið blaðið sem allra fyrst,
því þá hjálpið þið tii að gera
blaðið okkar enn stærra og
fjölbreyttara en nokkru sinni
áður.
Allir kaupendur ÆSKUNN-
AR njóta hins sérstaka tæki-
færisverðs á öllum bókum
blaðsins. Verðmunur frá bók-
söluverði á hverri bók er um
30%.
60