Æskan - 01.04.1982, Side 42

ENIFRENISTIPOPPSONGVARIHEIMS
Þeir eru ekki margir poppararnir sem státa af að vera
allt í senn: góður söngvari, góður hljómborðsleikari,
snjall útsetjari, flinkur lagasmiður og stórkostlegur
Ijóðahöfundur sem jafnframt flytur góða soul- og djass-
tónlist. Bandaríski blökkumaðurinn Gil Scott-Heron get-
ur þó svo sannarlega hrósað sér af að búa yfir öllum
þessum haefileikum. Enda er hann tvímælalaust einn
fremsti popptónlistarmaður heims í dag.
Hérlendis er Gil Scott-Heron einna kunnastur fyrir
framlag sitt á kokkteilplötunni ,,No Nukes“. Þar sómir
hann sér vel innan um aðrar bandarískar stórstjörnur
s. s. rokk-kónginn Bruce Springsteen, kántrí-rokkarana í
Eagles o. m. fl.
Þrátt fyrir að ,,No Nukes“ sé prýðisgóð plata þá eru
einkaplötur Gil Scott-Heron miklu betri. Á þeim blandar
Gil listavel saman diskó-, soul- og/eða reggí-ballöðum
annars vegar og hugljúfum blús eða djass-sveiflum
hinsvegar.
Ballöðurnar heilla hlustandann strax en djassinn
kemur í veg fyrir að plöturnar verði leiðigjarnar. Fyrir
skömmu kom á markaðinn ný plata frá Gil Scott-Heron,
„Reflection". Sú plata er ein af bestu popp-plötum síðari
ára. En því miður er hún eingöngu seld í hljómplötu-
verslunum Fálkans, hvernig svo sem á því stendur.
Eins og allar meiriháttar poppstjörnur býður Gil
Scott-Heron upp á svokallaða aðdáendaþjónustu. Þetta
er þjónusta sem útvegar aðdáendum myndir af popp-
stjörnunni, brjóstnælur o. fl. Ef þig langar til að komast í
samband við aðdáendaþjónustu Gil Scott-Heron þá er
utanáskriftin:
Spice Inc.
Box 1417—838
Alexandria
VA 22313
U. S. A.
Þú manst að það verður að skrifa á ensku (gott að
þjálfa enskuna). Pabbi eða mamma geta hjálpað. Svo
þykir víst almenn kurteisi undir svona kringumstæðum
að senda með tómt umslag sem er merkt nafni þínu,
heimilisfangi og alþjóðlegu svarmerki. Svarmerkið fæst á
næsta pósthúsi. Gangi þér vel.
GIL SCOTT - HERON

38