Æskan - 01.01.1987, Blaðsíða 9

fræg lið og úr því að maður átti
stjörnuleik hefði verið skemmtilegra
að vinna sér inn tvær stjörnur. Það var
grátlegt að tapa báðum leikjunum
með aðeins eins marks mun. Það var
ótrúlegt að það skyldi gerast því að við
vorum yfir þar til tvær mínútur voru til
leiksloka."
Kristján segist oft geta fundið á sér
fyrir fram hvernig honum gangi í
'eikjum, það ráðist af hugarfarinu
h^erju sinni. Ef hann er vel hvíldur
andlega gengur honum betur en ella.
„Það er bara eins og gengur og ger-
lst 1 þessum heimi,“ segir hann. „Við
erum ekki alltaf í essinu okkar. Svo
^efur alltaf mikið að segja að geta
varið fyrstu skotin. Þannig kemst mað-
Ur fyrr í samband við leikinn og eflist
allur. Það er mjög erfitt fyrir mig eins
Konan Guörún Herdís og sonurinn Sigmundur.
og aðra markmenn ef mótherjununum
gengur vel að skora í upphafi leiks.
Það getur komið manni úr jafnvægi í
dálítinn tíma.“
Stundum royut að plata
Kristján er viðskiptafræðingur að
mennt. Auk hans eru tveir aðrir við-
skiptafræðingar í landsliðinu, þeir
Kristján Arason og Þorgils Óttar
Mathiesen sem lýkur námi í vor. Það
hafa oft orðið árekstrar á milli náms
og æfinga hjá þeim strákunum. Ekki
var óalgengt að þeir þyrftu að taka
vorprófin að hausti.
En hve mikill tími fer í æfingar hjá
Kristjáni?
„Ég æfi flest kvöld vikunnar,“ segir
hann. „Kvöldmatur er ekki á hefð-
bundnum tíma heima hjá mér því að
við æfum oftast um kvöldmatarleyti.
Æfingarnar standa í 90 mínútur og
mega ekki vera styttri ef við ætlum að
hafa eitthvert gagn af þeim. Við eigum
ekki nema eitt eða tvö fríkvöld í viku.“
— Er alltaf gaman á æfingunum?
„Nei, ekki get ég sagt það. Það eru
einkum upphitanir sem mér þykja
leiðinlegar — en þær eru engu að
síður nauðsynlegar. Við höfum oft
spurt hver annan í gamni hvenær vís-
indamenn finni upp töflur sem komi í
stað upphitana.
Þessar æfingar byggja talsvert á
þrek- og þolþjálfun. Ég legg meira
upp úr teygju- og snerpuæfingum en
aðrir leikmenn vegna þess hve mikið
ég þarf að fetta mig og bretta í mark-
inu. Ég þarf hins vegar ekki að leggja
eins mikið upp úr þolþjálfun, t.d.
langhlaupum. Ég skokka þó við og við
með strákunum til þess að vera með.“
— Nota andstæðingar þínir einhver
ráð til að taka þig á taugum í markinu?
„Já, það er stundum reynt. Stund-
um kemur mótherji stökkvandi inn úr
horninu og þykist ætla að skjóta, ég
hleyp á móti og býst við boltanum en
hann hættir þá við og sendir hann til
línumanns sem skorar fyrir opnu
marki. Svona mörk eru kölluð sirkus-
mörk. Svo er alltaf klaufalegt ef mark-
manni í hinu liðinu tekst að kasta bolt-
anum yfir mann og skora. Ég stend
oftast mjög framarlega í markinu og
má gæta mín á þessu. Eins er klaufa-
legt þegar skotið er í gegnum klofið á
manni þó að maður geti auðvitað ekk-
ert gert að því.“
- Reynir þú aldrei að leika á skytt-
urnar?
„Jú, það kemur fyrir, t.d. í hraða-
upphlaupum rétt áður en sóknarmað-
urinn kastar boltanum. Þá þykist ég
ætla að fara fyrir boltann öðrum megin
en hætti við það og skýst fyrir hann
hinum megin um leið og skotið ríður
af. Þetta heppnast oft.“
- Eftir hverju er farið þegar mark-
menn eru valdir í landslið?
9