Æskan - 01.04.1993, Page 4

BBEGÐ
MER
UPP AD
ELLIÐA-
VATNI...
Sölvi Þóröarson.
Sölvi Þórðarson er þrettán ára
Vesturbæingur. Hann segist fara
flestra sinna ferða á hjóli, m.a.
bregði hann sér stundum á sumrin
upp að Elliðavatni til að veiða!
Hann er félagi í íslenska fjallahjóla-
klúbbnum.
„Ég gekk í klúbbinn í fyrra. Ég sá
auglýsingu um fjallaferð á hjóli og
dreif mig með. Mig hafði alltaf
langað til að fara slíkar ferðir og var
búinn að reyna dálítið að fá ein-
hvern með mér- en það hafði ekki
tekist."
-Hvert varfarið?
„Við hjóluðum frá Landmanna-
laugum að Eldgjá og aftur til baka.
Það er róleg dagsferð. - Já, ég var
yngstur í ferðinni. Sá næst-yngsti
var fjórum eða fimm árum eldri en
ég. - Þetta gekk allt vel og ég hafði
mjög gaman af ferðinni. Það rigndi
raunar með köflum en það var allt í
lagi.
Ég fór seinna aðra ferð á sömu
slóðir. Þá hjóluðum við fyrst eins
og í fyrri ferðinni en síðan Dóma-
dalsleið niðurað Galtalæk."
- Á hvernig hjóli varstu?
„Á „Mongoose" fjallahjóli. Ég
nota það mest en á líka BMX-hjól
hi
GOTT
AD ÆFA
SIG I
BREKK-
UNUM
Sigurður Magnússon og Þórarinn Þor-
leilsson.
Ifiö skálann í Landmannalaugum. Sölvi er lengst til vinstri. Ljósm.: Jón Ú. Bergsson.
og gamalt Murray-hjól sem ég hef
verið að gera upp - en mér sækist
það fremur seint."
- Hafa fleiri en þú í fjölskyldu
þinni mikinn áhuga á hjólreiðum?
„Neei. Ég á tvær systur eldri og
þær eru ekkert á reiðhjólum. Pabbi
hjólaði einu sinni með mértil Þing-
valla. Það var dálítið erfið ferð í
rigningu og roki. En hann er með
bíladellu og ég fer oft með honum í
fjallaferðir - líka á snjósleðum. Um
helgina fórum við á Langjökul - og
höfum líka farið á sleðum inn í
Landmannalaugar og að Hveravöll-
um. Á bíl höfum við til dæmis farið
um Sprengisand, Kjöl og að Herðu-
breið. - Já, við förum oft tveir til
fjalla en stundum eru kunningjar
pabba líka með og mamma stöku
sinnum.“
- Þegar þú hjólar að Elliðavatni
ferð þú Reykjavík enda á milli.
Hvernig finnst þér að hjóla um
borgina?
„Það getur verið dálítið erfitt.
Það mætti gjarna búa til góðar
hjólabrautir."
- Hefurðu tekið þátt í keppni hjá
klúbbnum
- eða öðru félagsstarfi?
„Ekki keppni. Ég vissi lítið af
henni í fyrra en býst við að reyna
mig í sumar. Núna er ég á skyndi-
hjálpar-námskeiði."
- Áttu fleiri áhugamál en að
hjóla og ferðast?
„Ég æfi handbolta með Gróttu -
er markvörður - og var í knatt-
spyrnu.
Frændurnir, Sigurður Magnús-
son 12 ára og Þórarinn Þorleifsson
17 ára, eru í fjallahjólaklúbbnum.
Þórarinn hefur verið með frá stofn-
un klúbbsins en Sigurður gekk í
hann í fyrra - þegar honum voru
veitt verðlaun sem íslandsmeistara
4 Æ S K A N