Æskan - 01.05.1994, Qupperneq 21

Örvar Jens i hlutverki Tómasar - i biói með foreldrum sinum sem leiknir eru af Sigrúnu
„Diddú" Hjálmtýsdóttur og Rúrik Haraldssyni.
„Já, Alberto Tomba.“
- En hverja dáir þú mest af knatt-
spyrnumönnum?
„Ronald Koeman og Romario."
- Hvernig finnst þér að vera orð-
inn kvikmyndaleikari sem fólk í
mörgum löndum sér á tjaldinu?
„Ég hef engar áhyggjur af þessu.
Þetta var bara vinna.“
- Töluðu krakkarnir í skólanum
mikið um þig og myndina í vetur?
„Bara fyrstu tvær vikurnar eftir að
ég kom í skólann."
- Stefnir þú að því að leika í fleiri
myndum?
„Nei, mig langar reyndar ekki til
þess.“
ULLARSOKKAR, ÓTRÚLEGAR
SKYRTUR OG BUXUR SEM
STINGA ...
fyndin. Hún er fyrir alla fjölskylduna."
- Hvað fannst þér skemmtilegast
við tökurnar?
„Mér fannst skemmtilegast síð-
asta daginn. Þá var verið mynda
knattspyrnuleik. Það var gott veður
og mjög gaman. Ég var markvörður
hjá Fram ..."
- En leikur ekki í marki hjá Hauk-
um ...
„Nei, ég er venjulega á hægri
kanti eða miðjunni."
- Eruð þið strákarnir oft í leikjum í
myndinni?
„Já, þegar hún á að gerast voru
krakkar miklu meira í leikjum en
núna. Við fórum í ýmsa leiki.“
- Varð að kenna ykkur þá?
„Suma, aðra þekktum við.“
- Hvernig fannst þér fötin sem þú
klæddist?
„Þau voru dálítið skrýtin að vísu,
ekki alveg í tísku núna! Ég var til
dæmis oftast í gúmmítúttum. Það
eru lágir, flatbotna gúmmískór. Við
hátíðleg tækifæri fór ég í strigaskó.
Annars voru það títuprjónar í buxun-
um sem öngruðu mig mest!
Pabbi fann gamlan jakka af sér og
ég notaði hann mikið. Hann var
einmitt tíu ára um líkt leyti og mynd-
in gerist."
- Hvað fannst þér erfiðast?
„Mér fannst leiðinlegast að missa
alveg af fótboltanum með Haukum
og vera einn í Skagafirði þar sem
hluti myndarinnar var tekinn. Ég
hafði yfirleitt ekkert að gera milli at-
riða. Að vísu var strákur þarna á
bænum og við lékum okkur dálítið í
fótbolta.
Pabbi, mamma og systir mín
skruppu svo norður og ég fékk frí til
að vera með þeim einn dag. Það var
ágæt tilbreyting."
- Koma þau fram í myndinni?
„Systir mín leikur krakka í götunni
þar sem Tómas á heima. Hún kemur
nokkrum sinnum fram. Pabbi og
mamma sjást einu sinni ganga yfir
götu.
Það er dálítið skemmtilegt að
systir mín á afmæli 30. júní þegar
myndin verður frumsýnd! Þá verður
hún níu ára.“
- Hér eru margir peningar og bik-
ar. Fyrir hvað fékkstu þessi verð-
laun?
„Ég hef fengið þau í knattspyrnu
og skíðakeppni."
- Ertu mikið á skíðum?
„Já, við fjölskyldan förum oft á
skíði og ég hef æft tvo síðastliðna
vetur með Ármanni. Pabbi er frá Ak-
ureyri og keppti þar á skíðum. Við
þekkjum konu sem er skíðakennari
hjá Ármanni. Þess vegna æfi ég þar.
Aðalgreinin mín er stórsvig en ég
keppi líka í svigi.
Ég fór með fjölskyldunni í skíða-
ferðalag til Austurríkis veturinn 1991
og við ætlum til Monte Rosa á Ítalíu
um næstu jól.“
- Áttu eftirlætis-skíðamann?
Þeir Höskuldur Eiríksson 13 ára
og Hans Þór Hilmarsson 10 ára leika
vini Tómasar, Lárus og Bigga. Orri
Helgason fer með hlutverk Nikulás-
ar, 15 ára bróður hans. Ég ræddi við
þá saman.
Orri hefur oft verið á fjölunum.
Hann lék Ljósvíkinginn í Höll Sumar-
landsins, fyrstu sýningunni í Borgar-
leikhúsinu. Þegar hann var átta ára
lék hann í Óvitum í Þjóðleikhúsinu. í
vetur var hann með í útvarpsleikrit-
inu um Kaj Munk. Auk þess hefur
hann oft komið fram í auglýsingum.
Það er raunar ekki að undra að hann
fáist við leiklist því að foreldrar hans,
Helgi Björnsson og Vilborg Halldórs-
dóttir eru leikarar.
Höskuldur hafði verið á sviði í
Hveragerði í leikritinu Bróðir minn
Ijónshjarta. Hans Þór hafði ekki leik-
ið.
Ég spurði þá hvernig þeir hefðu
fengið áhuga á að sækja um hlut-
verk í myndinni...
Hans Þór: Fósturfaðir minn sá
auglýsinguna. Okkur fannst þetta
spennandi og drifum okkur á staðinn
með mynd af mér og sóttum um!
Höskuldur: Vinur pabba sá þetta
auglýst og sagði okkur frá því. Mér
leist vel á það sem ágætis sumar-
vinnu. Ég hafði ekkert betra að gera.
Orri: Bróðir minn sótti um hlutverk
og mamma fékk mig til þess að
sækja líka. Ég hafði ekki verið að
hugsa um það.
Æ S K A N 2 1