Valsblaðið - 01.05.1984, Page 26

24
VALSBLAÐIÐ
Malvern og
Kidderminster Harriers
Úr æfingaferð m.fl. 1 knattspyrnu til Englands
um páskana
Þegar ný stjórn tók við völdum í
knattspyrnudeild Vals snemma á árinu
blöstu mörg vandamál við, eins og
gengur. Það stærsta var ráðning
þjálfara fyrir 1. deildarlið félagsins. í
lok mars var það mál afgreitt með
ráðningu Ian Ross, og eru flestir
þeirrar skoðunar að þar hafi Valur
dottið í lukkupottinn.
Að þjálfara fengnum, 6 vikum fyrir
keppnistímabil, var stóra spurningin
hvernig haga ætti undirbúningi svo
liðið og nýi þjálfarinn gætu kynnst
sem mest og best á sem skemmstum
tíma. Afráðið var að fara í 10 daga
æfinga- og keppnisferð um páskana.
Slíkar ferðir hafa rutt sér mjög til rúms
á síðustu árum, en um notagildi þeirra
má deila. í þessu tilfelli, þar sem nýr
þjálfari var ráðinn stuttu fyrir mót, og
miklar breytingar höfðu orðið á leik-
mannahóp Vals þótt rétt að reyna að
hrista hópinn saman erlendis við góðar
aðstæður og án truflana.
Til að fjármagna ferðina var efnt til
happadrættis, með fáum en dýrum
miðum og bifreið í vinning. Leikmenn
voru látnir selja miða upp í kostnað
við ferðina og tókst það allvel.
Ekki er ætlunin að segja hér sögu
þessarar æfingaferðar, heldur minnast
á nokkur atriði úr henni. Farið var til
Wolverhampton, en lan Ross þjálfari
býr einmitt þar nú og hafði hann haft
veg og vanda af mest öllum undir-
búningi varðandi ferðina. í Wolver-
hampton sem er í The Midlands (Mið-
Englandi), stutt frá stórborginni
Birmingham var gist á The York
Hotel, þægilegu, heimilislegu hóteli
sem er í eigu Hr. og frú D. Martin góð-
vina Ian Ross. Þar vorum við Vals-
menn útaf fyrir okkur, lengst af einu
gestirnir, og nutum alúðar, þægileg-
heita og góðrar þjónustu starfsfólks-
ins. Menn voru afar ánægðir með
aðbúnað á þessu litla, vinalega hóteli,
og þær Lina og Heather urðu strax
hvers manns hugljúfi. Hópurinn var
þarna til að æfa, kynnast og keppa, og
þessum atriðum var öllum vel sinnt.
Tveimur dögum eftir komuna til
Englands var fyrsti leikurinn. Var
Maðurinn með augað. Þorgrímur ,,Toggi“
Þráinsson heldur ófrýnilegur eflir olnbogaskol
frá Peter Willie, Aslon Villa.
Úr æfingaferð m.fl. í knattspyrnu. Ógleyman-
lcgur „karakler", Jeff bílsljóri.
hann gegn varaliði Aston Villa, fyrrum
andstæðinga Vals í Evrópukeppni.
Með varaliðinu léku nokkrir leikmenn
úr aðalliðinu sem voru að jafna sig
eftir meiðsli eða þurftu leikæfingu. Má
nefna enska landsliðsmiðherjann Peter
Withe, en hann reið ekki feitum hesti
frá viðureign sinni við íslenska lands-
liðsbakvörðinn Þorgrím Þráinsson.
Toggi hafði Withe í vasanum og fór
það svo í skap kappans að hann gaf
Ólafsvíkurundrinu okkar heljarmikið
olnbogaskot. Þetta líkaði þjálfara
A.Villa illa og tók hann Withe út af í
hálfleik. Toggi hlaut af þessu glóðar-
auga eitt mikið sem setti blett á annars
engilfagra ásýnd piltsins en það lagað-
ist fljótt.
Leiknum lauk með stóru tapi 0-5, og
má þar um kenna lítilli æfingu okkar
manna og engri leikæfingu. Það var þó
ekki fyrr en undir lokin sem andstæð-
ingarnir röðuðu á okkur mörkum, en
staðan var 0-1 um miðjan síðari hálf-
leik.
Næsti leikur var gegn utandeildarliði
í nágrenninu, Malvern FC. Hann fór
fram á grjóthörðum velli sem var sam-
bland af gras, malar og sandvelli. Vals-
liðið var lengi í gang, það var eiginlega
ekki fyrr en síðustu 20 mín. að liðið
sýndi eitthvað. Úrslit þessa slaka leiks
0-1, en í stuttu hófi að leik loknum,
þar sem boðið var upp á bjór og sam-
lokur að hætti innfæddra bar Valsliðið
sigurorð af heimaliðinu í söngnum.
Síðasti alvöruleikurinn var gegn
Kidderminster Harriers, sterku utan-
deildarliði sem orðið hefur þekkt fyrir
góðan árangur í bikarkeppnum gegn
þekktum andstæðingum. Svo skemmti-
lega vill til að Harriers er gamalt enskt
heiti yfir fálka eða val, þannig að segja
má að við höfum þarna leikið við
enska Valsntenn. Fyrri hálfleikur var
slakur hjá okkur, en í síðari hálfleik
var annað uppi á teningnum.
lan Ross þjálfari liðsins var þá kominn
inn á sem tengiliður, og hann stjórnaði
mönnum með harðri hendi og lyfti
öllum upp um a.m.k. einn klassa.
Þetta var i fyrsta skipti í ferðinni sem
liðið virkaði heilsteypt, og olli það