Kirkjuritið - 01.05.1954, Blaðsíða 32

222
KIRKJURITIÐ
Að séra Hálfdani stóðu ágætir ættstofnar. Um ætt
móður hans í Danmörku er mér ekki mikið kunnugt, en
prestsdóttir var hún og náfrændi hennar einn var múrara-
meistari, sem ekki fór minna fyrir en það, að hann var
einn þeirra, er reistu ráðhús Kaupmannahafnar. En ættir
föður hans, dr. Jóns biskups, þarf varla að rekja. I aðra
ættina er hinn mikli leiðsögumaður heillar prestakynslóð-
ar, Helgi lector Hálfdánarson, Einarssonar, hins merka
prófasts á Eyri í Skutulsfirði. Framar í ættinni er alnafni
hans, meistari Hálfdan Einarsson að Hólum. En í hina
ættina er Tómas Sæmundsson, einn af öndvegismönnum
sögu vorrar.
Kunningsskapur okkar jókst við það, að hann dvaldist
um sumartíma hjá foreldrum mínum í Bjarnarhöfn. Kom
hann sér vel í þessari fyrstu sveitadvöl, og var í raun og
veru þá þegar fjarska líkur því, sem hann var alla æfi.
Veruleg kynni tókust þó einkum, er við vorum saman
í guðfræðadeild Háskólans, hann stúdent og ég nýkom-
inn kennari. Sá ég þá fyrst, hvílíkur víkingur hann var.
Gekk hann að náminu með sama dugnaði og öllum öðrum
störfum. Og ekki vantaði samvizkusemina og ástundunina.
Hygg ég, að fáir eða engir hafi farið úr guðfræðadeild-
inni með meiri kunnáttu í þeim greinum, sem þar voru
kenndar. Mátti heita, að unnt væri að nota Hálfdan eins
og orðabók, þegar dró að lokum námsins, svo þaullesinn
var hann.
Eins og áður er að vikið, rann mikið prestablóð í æðum
Hálfdanar, enda veit ég ekki til að nokkru sinni hvarflaði
að honum, eftir að hann hafði náð fullorðins aldri, að snúa
sér að nokkru öðru en prestsskap. En þó fór hann ekki
þegar í stað í það starf, er hann hafði lokið sínu ágæta
candidatsprófi 1921. Fór hann fyrst utan, stundaði fram-
haldsnám í Danmörku og Þýzkalandi og kannaði siðu ann-
arra þjóða. Að því loknu starfaði hann að kennslu í Reykja-
vík, meðan hann litaðist um eftir verksviði.
Vorið 1924 var hann settur prestur í Mosfellsprestakalli