Kirkjuritið - 01.05.1954, Blaðsíða 46

236
KIRKJURITIÐ
mesti misskilningur. Allir geta séð, að 306 kr. á mánuði á
barn hrökkva ekki til nú, — þótt bót sé að því. I vöggustof-
unum er mánaðargjaldið 7—8 hundruð á mánuði, auk þess
ytri föt, — þó mörg á sama heimili, sem ávallt verðm- ódýrara.
Nýlega var ekkja með tvö börn á skólaaldri að leita að
styrk, þó á hún sína íbúð og vinnur úti. Hvað þá um hinar,
sem eru bundnar yfir smábörnmn og þurfa að leigja? Meðlag
tveggja til þriggja barna er aðeins fyrir húsaleigu.
Allflest togaraútgerðarfélög, bankarnir og að minnsta kosti
ein verðbréfasala hafa auglýsingu fyrir Ekknasjóðinn, svo að
efnamönnum gefst kostur á að safna sér í bezta sjóðinn, með
því að líta til ekkna og munaðarlausra.
f Sparisjóði Reykjavíkur og nágrennis hefir hver, sem inn
kemur, auglýsingu sjóðsins fyrir augum ásamt smá útdrætti
úr skipulagsskrá — og táknmynd allsleysis ekkjunnar, teikn-
aða af Rikarði Jónssyni. Gjaldkerinn þar tekur góðfúslega
við gjöfum til sjóðsins. íslenzka þjóðin, sem stundum hefir
færzt það í fang að gefa stórþjóðum, ætti ekki að láta sín
eigin börn líSa skort. Ef landsmenn hefðu strax brugðizt vel
við þessu máli, ef frá hverju sóknarbarni hefði borizt 1 króna
eða aðeins 25 aurar á ári, þá væri hann nú fær um að veita
styrk. Þetta ætti að vera prestunum áhugamál. Það hlyti að
vera þeim ánægja, er þeir ganga þyngstu sporin í sorgarhúsin,
eða til yfirgefinna mæðra, að geta vísað til styrks þeim, er
þurfa. Það er því innileg ósk þeim til handa, að þeir sýni
þessu 10 ára barni sem mesta umhyggju hér eftir. Tökum
öll höndum saman og eflum sjóðinn, svo að hann nái til-
gangi sínum, þess er þörf, eins og ritstjóri Vísis nýlega benti
á. Ef útgerðarfélög, kaupsýslumenn, kvikmyndahús, verk-
smiðjur, bankar o. fl. gerðu sameiginlegt átak einn dag á ári,
þá væri takmarkinu náð.
Samskot, þegar slys ber að höndum, eru góð og þakkar-
verð, en duga aðeins fyrir árið, sem þá er að líða, í flestum
tilfellum, munið því þetta málefni. G.
Ritstj. Kirkjuritsins mæla hið bezta með hinum fagra til-
gangi, sem birtist í grein þessari, og hvetja almenning til
þess að gefa Ekknasjóðnum gjafir. Biskupsskrifstofan veitir
slíkum gjöfum viðtöku.