Kirkjuritið - 01.04.1975, Side 70

útgáfu og ótal annarra hluta. Hversu
lengi mun kirkjan láta þessa þróun
halda áfram? Þessi mál eru öll mjög
brýn í vitund okkar austurlandspresta.
Við finnum, að kirkjan þarf að endur-
meta sjálfa sig, finna sjálfa sig í þessu
þjóðfélagi, vera virk, vakandi, lifandi,
vera spámannleg, hafandi innsýn í eðli
og þróun samfélagsins. Þess vegna
þarf kirkjan sífellt að halda uppi um-
ræðunni um sína eigin endurnýjun, svo
að hún geti gegnt endurlausnarhlut-
verkinu á raunhæfan og ábyrgan hátt-
Vallanesi 17, maí, 1975.
Gunnar Kristjánsson.
Eftirtektarverð uppljóstrun gamalla trúarsiða:
Innhverf íhugun (transcendental
meditation) er hreinn hindúismi
Innhverf ihugun er ekki hlutlaus tækni. Hún er ekki aðeins aðferð til þess að læra
íhugun, eins og svo oft er talað um í áróðrinum fyrir henni. Á fundi i Hróarskeldu í
Danmörku hefur verið Ijóstrað upp um hina leyndardómsfullu vígslusiði og þeir þýddir
af sanskrít á dönsku. Á fundinum var sýnt fram á, að innhverf íhugun er hindúistisk
trúarbrögð, sem boðuð hafa verið á Vesturlöndum af sérfræðingum í geðlækningum (?).
Flestir læra aðeins fáein óskiljanleg hljóð. Þeir eru aðeins fáir, sem þekkja siðina.
Mörg þúsund manns á Norðurlöndum nota þessar aðferðir.
Innhverf ihugun starfar í sjö þrepum og þetta þýdda siðakerfi er notað í þeim öllum.
Venjulega tekur það lærisvein um tiu ár að ná efsta þrepinu. Siðakerfið er ævagamalt
og var notað, er „guruum" voru færðar gjafir:
Ég beygi mig, meðan ég fórna heilum hrísgrjónum við lótusfætur Shri Guru Devs...
Ég beygi mig fyrir honum, sem býr í lótusblómi hjarta míns, hinu skapandi upphafi
hins kosmiska lífs — birtingarformi Gurur Devs“. Svo segir m. a. í siðakerfinu, sem
farið er með, um leið og fórnað er kertum, reykelsi o. fl.
Það er stofnun fyrir kristniboðsvísindi og samband kirkjudeilda við Árósaháskóla,
sem hefur látið þýða þetta siðakerfi úr hinu útdauða máli sanskrít á dönsku.
Jóhannes Ágárd, dósent, sem hefur tekið þátt í að Ijóstra þessu upp, telur, að
innhverf íhugun sé hrein trúarbrögð, sem sigli undir fölsku flaggi. Hann varar alvarlega
við námskeiðum þeim í innhverfri íhugun, sem nú eru haldin, samkvæmt frásögn
Kristilegs Dagblaðs í Kaupmannahöfn, og segir, að við rannsókn hafi verið leitt í Ijós,
að þó nokkrir menn hafi fengið sálarflækjur eftir slik námsskeið og orðið að gangast
undir geðræna meðferð á eftir.