Prestafélagsritið - 01.01.1925, Blaðsíða 128

Prestafélagsritið.
Tveir norrænir fundir.
123
unnar til frjálsrar kirkjulegrar safnaðarmyndunar og safnaðar-
starfsemi á Norðurlöndum*. Frummælendur voru þar þeir A.
J. Rud biskup á Fjóni og J. A. Eklund biskup í Karlstad (í
Vármland). Báðum sagðist vel, en þó var mér einkum ánægju-
efni að hlýða á mál Eklunds biskups, sem er maður stór-
mælskur (og einn af fremstu prédikurum Svía, sem nú eru
uppi), skarpur og djarfur í máli. Hann er maður lítill vexti,
en eldur skín úr augum hans, er hann talar, og má segja um
hann, að »á honum tali hver tuska«, sérstaklega þegar hann
verður heitur. Var ekki lítil ánægja, að heyra hann og erki-
biskup leiða saman hesta sína í umræðunum á eftir, enda
mátti lítt á milli sjá hvor þeirra dygði betur, því báðir voru
snjallir.
Á síðdegisfundinum var umræðuefnið: »Utbreiðslustarfsemi
katólsku kirkjunnar á Norðurlöndum og afstaðan til hennar*.
Þar voru frummælendur þeir Max von Bonsdoff, biskup finsk-
sænsku safnaðanna í Finnlandi (hinn yngsti allra biskupanna
á fundinum) og Chr. Ludwigs Álaborgar-biskup. Var sérstak-
lega mikil eftirtekt veitt erindi því, er Ludwigs flutti, enda
virtist hann hafa kynt sér þetta mál mæta vel og vera ná-
kunnugur allri starfsaðferð katólsku kirkjunnar þar í landi.
Spunnust miklar umræður út af erindum þessum og meðal
annars var þar af ýmsum minst á för van Rossums kardínála
til Norðurlanda, broslegra umsagna í ferðasögu hans og mis-
skilnings á allri afstöðu almennings á Norðurlöndum til ka-
tólskrar kirkju. Ollum ræðumönnum kom saman um, að engin
hætta væri á því, að hugur Norðurlandaþjóðanna hneigðist að
katólskri trú, og á dekri blaðamanna í garð katólsku kirkj-
unnar væri ekki mikið að byggja. Samvizkufrelsið ætti enn
mikil ítök í hjörtum Norðurlandaþjóðanna, en meðan svo væri,
lægi leiðin ekki til Róms, heldur öllu fremur frá Rómi. En
hins vegar mætti ýmislegt læra af katólsku kirkjunni, þó sér-
staklega að því er snertir alt tíðahald, djúpa lotningu fyrir
kenningararfi og hina stjórnlegu festu.
Næsta dag, sunnudaginn 7. sept., átti að halda hátíðlega
guðsþjónustu í Hróarskeldu-dómkirkju og þangað skyldi haldið