Ægir - 01.11.1925, Blaðsíða 8

200
ÆGIR
myndar bæði æðri og lægri. — Hann
var félagsmaður ágætur, sannfæringar-
fastur, tryggur félagsbræðrum sínum og
trúr sínum hugsjónum, og fast fylgjandi
öllu sönnu gagni stéttarbræðra sinna.
Sem skipstjóri og stýrimaður hafði
hann ábyrgðarmiklum skyldum og störf-
um að gegna; en — hann rækti sinar
skyldur og störf með sívakandi trúmensku*
Hann var æðralaus maður, þótt háska
væri að mæta og fór að öllu stillilega;
hann var reglusamur maður sjálfur um
alla hluti, og heimtaði hið sama af öðr-
um; hver hlutur varð að vera á stað,
svo fljótt væri til að gripa, ef á lægi:
þetta var ein af hans höfuðreglum.
Marga bratta förina mun hann hafa
farið á sjómenskuárum sínum og í marga
hávaxna ölduna mun hann hafa stýrt; því
að yfir 60 íerðir fór hann milli ísland og
Englands, og í mörgum þeirra var hann
skipstjóri. Hann stýrði togaranum »Jóni
forseta« í Englandsferðum, meðan leiðin
var sem hættulegust á styrjaldarárunum;
voru það sannkallaðar svaðilferðir; mælt-
ust margir undan þeim ferðum, þótt ó-
blauðir væru, þvi líkurnar voru tíðast
miklu meiri, að hvorki skip né menn
kæmu heilir að landi úr heljargreipum
vítisvélanna, sem biðu manna til og frá
um höfin.
En heill á húfi kom »forsetinn« úr
öllum þeim háskaferðum, og má það
efalaust — og líklega ekki hvað sizt —
mikið þakka varfærni,dugnaði og skyldu-
rækni skipstjórans.
Aðalhugsun hans i öllum þeim ferðum
— eins og í hverjum háska — var sú,
að fara djarflega, en þó varlega, að gera
skyldu sina með alúð, og trúa svo Guði
fyrir sér og treysta handleiðslu hans og
stjórnan.
Og þessi lífsregla gafst honum vel, —
eins og öllum öðrum.
Og nú hefir þú, kæri félagi og bróðir,
látið frá landi í siðasta sinni; báran var
þín banasæng, eins og margra annara
vaskra félaga. Það er trú mín og óbif-
anleg von, að þú hafir tekið land i »frið-
arins höfn« undir handleiðslu hans, sem
kyrrir vind og sjó, og sem þ.ú trúðir á
og treystir i öllu lífi þinu; og ‘trúrra
þjóna verðlaun hefir þú eflaust meðtek-
ið samkvæmt hinum fornu og góðu fyr-
irheitum.
En — vér félagar þínir stöndum hljóðir
eftir á ströndinni við dauðans haf; vér
hneygium höfuð vor að skilnaði og þökk-
um góða samvinnu.
Guð blessi minningu þína. F. J.
Fundargerð,
Fjórðungþings Fiskifélags íslands
fyrir Sunnlendingafjórðung.
Ár 1925 hinn 18. nóvembermánaðar
var Fjórðungsþing Fiskifélags íslands
fyrir Sunnlendingafjórðung sett og haldið
í kaupþingssalnum í Reykjavik.
Forseti Ágúst Jónsson, setti þingið og
tilnefndi sem skrifara Helga Jónsson. —
Mættir voru, auk þeirra, þessir fulltrúar:
Fyrir Keflavik: Árni Geir Þóroddsson.
Fyrir Eyrarbakka: Sigurjón Jónsson.
Fyrir Akranes: 1. Bjarni Ólafsson, 2.
Sveinbjörn Oddsson og 3. Kristmann
Tómasson.
Fyrir Stokkseyri: Sturlaugur Jónsson
ásamt settum skrifara.
Fyrir Vestmannaeyjar: Jón Sverrisson
og Þorsteinn Jónsson.
Auk þeirra sátu þingið:
Formaður Fiskifélags íslands Kristján
Bergsson.
Bankastjóri; Magnús Sigurðsson.
J