Ægir - 01.04.1931, Blaðsíða 10

80
ÆGIR
40% sem beinlaus fiskur er ódýrari i
öllum flutningum.
Eitt atriði er enn ótalið og er það ekki
veigaminnst. Við framleiðslu beinlauss
frostfiskjar er allur úrgangur samankom-
inn á einn stað. Úr hausum, beinum,
roði og innýflum, má með tilltölulega
litlum kostnaði gera fiskimjöl, lím, áburð
og önnur efnasambönd, sem öll eru í
háu verði.
Pannig getur það sem sparast við fryst-
ingu og flutninga, jafnframt því, sem
græðist við framleiðslu aukaafurða numið
meiru en því, sem lagt er i kostnað við
framleiðslu beinlauss fiskjar framyfir
slægðan frystan fisk. Það er þvi ekkert
að undra, þólt vara þessi leggi undir sig
markaðinn og njóti einróma lofs allra
þeirra, sem til þekkja. Einn er þó galli
á gjöf Njarðar, ef galla skyldi kalla. Bein-
laus fiskur útilokar svo að segja alla
smáiðju. Hver verksmiðja verður að hafa
fiskimjölsdeild, en slíkum kostnaði verð-
ur að vera samfara nægjanlegl verkefni
fyrir stóriðju.
F*að er litlum vafa bundið, að bein-
laus frostfiskur eða einhver annarfiskur,
sem unninn er á sama grundvelli verð-
ur lausnin á gátum fisksölunnar i fram-
tíðinni, til þess hefur hann alla kosti en
fá ókosti. í þessu sambandi er vert að
gefa þvi gaum, að fiskimjöl er eina is-
lenzka sjávarafurðin, sem ekki hefurfallið
stórkostlega í verði á siðasta ári. Þetta
eitt meðal annars færir okkur heim sann-
ínn um, hve heilbrigð framleiðsla bein-
lauss fiskjar er, þvi að einmitt hún gerir
okkur mögulegt að breyta öllu þvi, sem
ekki er ætt af fiskinum i fiskimjöl. Pað
er spá mín að beinlaus fiskur muni á
næstunni halda innreið sína i þau lönd,
þar sem hann ekki er þegar þekktur.
Þórður Þorbjarnarson.
Strandið við Grindavík.
Skýrsla til stjórnar Slysavarnafélags íslands um
björgun skipverja af e. s. »Cap Fagnet« frá Fé-
camp, erstrandaði austan við Grindavík, þriðju-
daginn 24. marz 1931, frá formanni slysavarn-
asv. »Þorbjörn« í Grindavík, Ginari Einarssyni.
Aðfaranótt þriðjudagsins 24. marz kl.
4, kom til mín hraðboði með þær fregnir,
að skip væri strandað á Hraunsfjörum
hér i hreppi, og myndi vafasamt um
björgun skipverja.
Eg brá við þegar og kvaddi mér til
fylgdar þá Eirik Tómasson, Járngerðar-
stöðum og Guðmund Erlendsson, Grund.
Fórum við þegar með hraðboðanum, sem
kom á flutningabifreið og tókum með
okkur fluglínubjörgunartæki slysavarna-
félagsins hér ásamt ljósum, því dimmt
var af nóttu. Lögðum við af stað héðan
kl. 4l/2, og vorum komnir á strandstað-
inn kl. 5. Vindur SSA, vindbraði ca 8,
og nokkurl brim. Byrjuðum við þegar á
að taka upp björgunartækin og festa
byssuna. Hlóð ég hana nú og miðaði, á-
samt Guðmundi Erlendssyni. Kom okkur
saman um miðunina og skaut hann úr
byssunni. Þá var kl. 5,io. Skotið tókst
prýðilega og kom línan yfir skipið fram-
an við stjórnpall, en neðanundir loft-
skeytaneti. Drógu skipsmenn þegar að
björgunarlinurnar og festu við afturmast-
ur, nokkuð ofan við bátadekkið. Að því
búnu var bv'rjað á björgun. Þetta var kl.
5,80, en lokið kl. 7. og höfðum við þá
náð allri skipshöfninni 38 mönnum á
land, öllum ómeiddum en gegnblautum.
því vegna þess hvað skipið ruggaði mik-
ið í briminu, var ekki hægt að strengja
björgunarlínuna eins og þurfti, af ótta
við að hún kynni að slitna, drógust því
skipsmenn annað kastið niður i sjóinn,
þegar skipið veltist að landi, en við það