Ægir - 01.10.1971, Page 14

268
ÆGIR
nokkru ráði í Faxaflóa, utanverðum
Breiðafirði og á sunnanverðum Vestfjörð-
um.
Lega ísbrúnarinnar og hitastig sjávar
Úti fyrir vestanverðu Norðurlandi og
Vestfjörðum var rekís nær landi en venju-
legt má teljast á þessum árstíma og varð
af þeim sökum ekki komizt eins langt
norður og æskilegt hefði verið. Suðurmörk
aðalíssins voru þó allmiklu norðar en sýnt
er á 1. mynd. Hitastig sjávar á 50 metra
dýpi er sýnt á 2. mynd, en á og ofan við
það dýpi var aðalmagn fiskseiðanna.
Þar sem upphitunar frá sólu gætir orð-
ið hverfandi niðri á 50 metra dýpi gefur'
2. mynd allgóða hugmynd um ástand
sjávar á svæðinu. Djúpt úti fyrir Norður-
og Norðausturlandi sjást suðurmörk hins
kalda Austur-Islandsstraums, en grynnra
gætir verulega atlantiskra áhrifa að vest-
an og er sjór þar því hlýrri. Vestar, yfir
grænlenzka landgrunninu, sjást suður-
mörk pólsjávarins, sem þar myndar Aust-
ur-Grænlandsstrauminn. Suðaustan Is-
lands fylgja hitaskilin nokkurn veginn
Islands-Færeyja hryggnum og tunga af
hlýjum sjó teygir sig norður á bóginn um
11° v.l. að venju.
Þorskur
Þorskseiði reyndust allútbreidd og varð
vart við þau yfir íslenzka landgrunninu
frá Dyrhólaey vestur- og norður um að Mel-
rakkasléttu (3. mynd). Svo virtist sem
þorskseiðin væri aðallega að finna innan
200 m jafndýpislínunnar, nema vestur af
landinu, þar sem þau voru einnig á dýpra
2. MYND
2. mynd. Hitastig sjávar á 50 m dýpi í júlí-ágúst 1971.