Ægir - 01.09.1974, Blaðsíða 18

Námskeið fyrir kennara í sjóvinnu
Mánudaginn 2. sept. hófst á vegum mennta-
málaráðuneytisins og Fiskifélags íslands,
námsskeið fyrir þá, sem vilja leggja fyrir
sig að kenna á sjóvinnunámsskeiðum, sem
ætlunin er að halda við skóla víða um land.
Stefán Ólafur Jónsson fulltrúi í menntamáia-
ráðuneytinu setti námsskeiðið 'Og reifaði í ræðu
sinni aðdraganda og gang mála í þessu efni.
Það er lengi búið að vera á döfinni að tengja
sjóvinnunám hinni almennu unglingakennslu
og skólakerfinu. Síðast liðinn vetur, var efnt
til sjóvinnunámsskeiða að tilhlutan sjávar-
útvegsráðuneytisins og Fiskifélags Islands all-
víða í sjávarplássum við unglinga- og gagn-
fræðaskóla. Starfsmenn Fiskifélagsins þeir
Hörður Þorsteinsson og Pétur Ólafsson ferð-
uðust þá um landið og hjálpuðu til að koma
þessum námsskeiðum í gang. Þeir sömu menn
kenna á kennaranámsskeiðinu, og veitir Hörð-
ur því forstöðu. Það var fyrirsjáanlegt að
námsskeiðahaldið myndi sem fyrr verða stop-
ult, ef það tengdist ekki skólakerfinu, og þess
vegna hlutaðist Fiskifélagið til um það, að
menntamálaráðuneytið gengi í málið og hef-
ur Stefán Ólafur Jónsson unnið að skipu-
lagningu til frambúðar á vegum ráðuneytis-
ins. Enn hefur þó ekki verið fulllokið við skip-
an þessara mála, en með áðurnefndu náms-
skeiði fyrir kennaraefni er kominn umt.als-
verður skriður á málið í þá átt að sjóvinna
verði valgrein í unglinga- og gagnfræðaskól-
um.
Það kom fljótt í ljós, að hörgull myndi
verða á kennurum, ef sjóvinnukennsla yrði
almennt tekin upp í skólum, og af þeim sök-
um þótti nauðsyn að efna til sérstaks kenn-
aranámsskeiðs. Það er ekki fyllilega nóg, að
menn kunni verkin sjálfir, heldur verða þeir
einnig að kunna að kenna þau. Þátttakendur
á þessu fyrsta námskeiði voru 23, sem luku
því. Um helmingur voru skipstjóralærðir menn
en hinir flestir vanir sjómenn og sumir einn-
ig kennarar að menntun. Vegna mismunar á
kunnáttu þátttakenda varð að skipta hópn-
um og kenna í tvennu lagi, og eins varð að
ráði að sleppa kennslu í siglingafræði vegna
tímaskorts. Það nám verða margir þátttak-
endanna að heyja sér í Bréfaskóla S. í. S.
og A. S. í. en í þeim skóla er kennt nægjan-
legt til að maður, sem hefur tekið þann „kurs-
us“ geti kennt námsefni í siglingafræði sem
svarar til 30 tonna prófs. Einnig kemur til
greina að halda sérstakt siglingafræðinám-
skeið. Nokkrir þátttakendanna á sjóvinnu-
námsskeiðinu tóku einnig siglingafræðipróf,
og það voru allt stýrimannaskólamenn. Þeir
stóðust allir prófið með ágætum.
Námsefnið á þessu verklega námsskeiði var
vinna við kaðla og víra (hnútar, splæs), net
(bæting og uppsetning) og uppsetning línu.
Allmargir fyrirlestrar almennt um kennslu
voru haldnir á námskeiðinu af þekktum skóla-
mönnum.
Námskeiðinu var slitið fimmtudaginn 12.
sept. með hófi í Sjómannaskólanum og var
boðið til þess af menntamálaráðuneytinu og
menntamálaráðherra sat það ásamt Fiski-
málastjóra og hélt menntamálaráðherra ræðu,
þar sem hann lagði áherzlu á nauðsyn verk-
menntunar með þjóðinni og kvaðst myndu
leggja öllum skynsamlegum tilraunum í þá
átt að tengja menntunarkerfið atvinnulífinu,
sitt liðsinni eftir megni.
Það er ekki að efa að þetta námskeið
hafði örvandi áhrif í þá átt að gera sjóvinnu-
nám að valgrein í skólakerfinu.
Nokkrir nemenda fóru beint heim í heima-
byggðir sínar að undirbúa sjóvinnukennslu
þar á vetri komanda. Sjóvinnukennsla mun í
vetur fara fram í 30 skólum hér og þar um
landið. Nokkur byggðarlög hafa þó tekið þess-
ari starfsemi fremur dræmt eða lítið hafzt
að til að hrinda málinu í framkvæmd. í þess-
um hópi er höfuðborgin, þar verður engin
sjóvinnukennsla að líkindum í vetur í almenn-
um skólum nema 10 nemendur eða svo
í Vörðuskóla, en þar er gamla Lindar-
götudeildin nú til húsa. Akureyringar hafa
ekkert aðhafzt í málinu og ekki heldur Ak-
urnesingar, Bolvíkingar lítið eða ekkert og
svo er um ýmsa fleiri staði vestra og er það
undarlegt. En Róm var ekki byggð á einum
degi og allt þokast þetta mál í rétta átt.
252 — Æ GIR