Ægir - 01.07.1980, Qupperneq 56

Brautskráning nemenda
Vélskóla íslands 1980
Brautskráning nemenda Vélskóla íslands í
Reykjavík fór fram laugardaginn 17. maí s.l. Um
350 nemendur stunduðu nám við skólann á liðnum
vetri, þar af um 300 í Reykjavík, en vélskóla-
deildir eru einnig starfræktar á Akureyri, ísafirði,
Akranesi, í Keflavík og í Vestmannaeyjum. Um 150
nýir nemendur hófu nám á síðast liðnu hausti og
var rétt á mörkum, að vanda, að hægt væri að sinna
öllum umsóknum vegna hinnar miklu aðsóknar.
Um 350 vélstjórar eru útskrifaðir á þessu vori
með vélstjóraréttindi af ýmsum stigum en undir
lokapróf gengu 87 nemendur.
Árlegur kynningardagur skólans, skrúfudagur-
inn, var haldinn 19. apríl og var gestkvæmt að
venju. Þá gefst öllum tækifæri til að kynna sér
starfsemi skólans og er þetta tilvalið tækifæri fyrir
væntanlega nemendur og foreldra þeirra að heim-
sækja skólann. Gamlir vélstjórar koma gjarna og
gæða sér á ljúffengum veitingum vélstjórakvenna
en kvenfélagið Keðjan hefur kaffisölu í skólanum
þennan dag. Árshátíð skólans var haldin um
kvöldið og var fjölsótt.
Svonefnd starfsvika er nú orðin fastur liður í
skólastarfinu. Þá eru nemendur sendir í náms- og
kynningarferðir undir leiðsögn til ýmissa fyrirtækja
og stofnana. Heimsóttar voru smiðjur og verkstæði,
Hitaveita Reykjavíkur, Sementsverksmiðjan á
Akranesi, Áburðarverksmiðjan, Rannsóknastofnun
iðnaðarins að Keldnaholti, Landhelgisgæslan,
Þjóðminjasafnið, Handritastofnun, Veðurstofa ísl-
ands, Landmælingar íslands, Hampiðjan, Plast-
verksmiðjan á Reykjalundi, Ullarverksmiðjan á
Álafossi, Hitaveita Suðurnesja, Hekla hf. o.fl.
Móttökur allar voru forráðamönnum þessara
stofnana og fyrirtækja til hins mesta sóma og er
Vélskólinn þeim mjög þakklátur fyrir veitta fyrir-
greiðslu. Lokaprófsvélstjórar fóru í náms- og kynn-
isferð til nokkurra Evrópulanda er þótti takast
hið besta.
Þá voru haldin námskeið í eldvörnum á vegum
Slökkviliðs Reykjavíkur og námskeið í skyndihjálp
og meðferð gúmbjörgunarbáta á vegum Slysa-
varnafélags íslands.
Bestum árangri í vélfræði náðu eftirtaldir nem-
endur: Heimir Vilhjálmur Pálmason í 1. stigi, Guð-
mundur Grettisson í 2. stigi, Eggert Atli Benónýs-
son í 3. stigi og Markús Jón Ingvason í 4. stigi-
Bestum árangri í ensku náðu: Jakob Rúnarsson,
l.A, Guðmundur Grettisson, 2.A, Þorkell Gunn-
arsson, 2.E, Jón Gunnlaugur Sigurðsson, 3.A.
Sigurjón Ólafur Halldórsson, 4.A og Ragnar Elías
Maríasson, 4.D. Bestum árangri í dönsku náðu
Heirnir Vilhjálmur Pálmason, l.A og Nikulas
Magnússon, 2.C. Bestum árangri í íslensku náðu
Páll Sigurðsson, l.C, Sverrir Árnason, 2.D, Björg-
vin Karlsson, 3.A og Eggert Atli Benónýsson.
Ofangreindir nemendur hlutu bókaverðlaun sem
gefin voru af Bókaverslun Sigfúsar Eymunds-
sonar, Sendiráði Dana, Minningarsjóði Stein-
gríms Pálssonar cand. mag og verðlaunasjóði
Vélskólans. Eggert Atli Benónýsson hlaut ser-
stök heiðursverðlaun, fagran grip, frá Landssam-
bandi íslenskra útvegsmanna.
í vetur bárust skólanum kærkomnar gjafir.
olíuskilvinda af Titan-gerð frá Landsmiðjunni og
þvingusett frá fsól hf. og þakkaði skólastjóri fyr'r
veitta vinsemd. Tíu ára afmælisárgangur vél-
stjóra færði skólanum að gjöf fagra myndastyttu.
Helgi Laxdal mælti fyrir munn þeirra nemenda.
Guðmundur Eiríksson flutti kveðjur frá 25 ára
nemendum og Sigmundur Guðbjartsson kveðjur fra
50 ára nemendum.
Skólastjóri þakkaði góðar gjafir og hlýhug.
þakkaði nemendum og kennurum fyrir samstarfið
á liðnum vetri og sagði skólanum slitið.
Andrés Guðjónsson skólastjóri.
Mvndin sýnir Helga Laxdal (t.h.) afhenda skólastjóra Andres'
Guðjónssyni (t.v.) myndastyttu fyrir hönd 10 ára árgangs nen<
enda.
416 — ÆGIR