Ægir - 01.11.1980, Blaðsíða 50

NÝ FISKISKIP
Rán HF—342
4. maí s.l. bættist nýr skuttogari í flota lands-
manna, en þá kom skuttogarinn Rán HF í fyrsta
sinn til heimahafnar sinnar, Hafnarfjarðar. Skut-
togari þessi, sem áður hét C.S. Forester, er keyptur
notaður frá Englandi, og er byggður þar árið 1969
hjá skipasmíðastöðinni Charles D. Holmes & Co
Ltd í Beverley, smíðanúmer 1015. C.S. Forester
var einn fyrsti ísfiskskuttogari, sem Bretar byggðu
til veiða á fjarlægum miðum. Nefna má að
skuttogari þessi kom talsvert við sögu í
Þorskastríðinu hér við land.
Eftir að skipið kom til landsins voru gerðar
nokkrar breytingar á búnaði og bætt við tækjum
og má þar einkum nefna, að sett var sérstök vökva-
knúin skutrennuloka í skipið, gerðar breytingar á
lest og vinnuþilfari, bætt við þremur vökvaknún-
um hjálparvindum og loran-tækjabúnaði í brú.
Rán HF er t eigu Gnoðar h/f í Hafnarfirði, en
það fyrirtæki átti áður 348 brl. síðutogara sem hét
Rán GK en ber nú nafnið Ingólfur. Skipstjóri á
Rán er Guðmundur Vestmann og 1. vélstjóri Mart-
einn Jakobsson. Framkvæmdastjóri útgerðarinnar
er Ágúst G. Sigurðsson.
Almenn lýsing:
Skipið er byggt úr stáli skv. reglum og undir
eftirliti Lloyd’s Register of Shipping í flokki
>Í<100A1, Stern Trawler, )J( LMC. Skipið er
tveggja þilfara skuttogari með skutrennu upp á
efra þilfar og tveggja hæða yfirbyggingu,
íbúðarhæð og brú, rétt framan við miðju.
Undir neðra þilfari er skipinu skipt með fjórum
vatnsþéttum þverskipsþilum í eftirtalin rúm, talið
framan frá: Stafnhylki ásamt keðjukössum; há-
geyma fyrir brennsluolíu; vélarúm með verkstæði
og ferskvatnsgeymum fremst; fiskilest, sem nær
upp að efra þilfari, með öxulgöngum og botn-
geymum fyrir brennsluoliu undir lest og þar fyrir
aftan hjálparvélarými með hágeymum í síðum
fyrir brennsluolíu og lýsi; og aftast skutgeyma fyrir
sjókjölfestu.
Mesta lengd ........................... 56.54 m
Lengd milli lóðlína ................... 49.07 m
Breidd ................................ 10.97 m
Dýpt að efra þilfari ................... 7.32 m
Dýpt að neðra þilfari................... 5.03 m
Eiginþyngd .............................. 890 t
Lestarrými .............................. 467 m3
Lýsisgeymar .............................. 18 m3
Brennsluolíugeymar ...................... 236 m3
Ferskvatnsgeymar ......................... 20 m3
Ferskvatnsgeymar (ketilvatn).............. 22 m3
Sjókjölfestugeymar....................... 121 m3
Stafnhylki (sjökjölf./ferskv.) ........... 17 m3
Ganghraði ................................ 14 hn
Rúmlestatala ............................ 743 brl.
Skipaskrárnúmer......................... 1558
Fremst á neðra þilfari er geymslurými, en þar
fyrir aftan er ibúðarými, en aftast í því, fýrir
miðju, er vélarreisn. Fyrir aftan íbúðir er lestar-
rými, ásamt gangi s.b.—megin, sem tengir íbúða-
rými við vinnuþilfar, þá vinnuþilfar með
fiskmóttöku og aftast stýrisvélarrúm fyrir miðju.
Til hliðar við stýrisvélarrúm eru veiðarfæra-
geymslur.
Á efra þilfari, rétt framan við miðju, er yfir-
bygging, sem nær að síðum, en enginn hvalbakur
er á skipinu. í umræddri yfirbyggingu eru íbúðir,
klefi fyrir togvindumótor og klefi fyrir loftræsti-
búnað. Aftan við yfirbyggingu er togþilfar skips-
ins. Vörpurenna kemur í framhaldi af skutrennu
og greinist í tvær bobbingarennur, sem ná fram að
yfirbyggingu. S.b.—megin á togþilfari eru síðu-
hús, þar sem eru geymslur, klefi fyrir
CO2—slökkvikerfi o.fl. Yfir afturbrún skutrennu
er toggálgi, en yfir frambrún skutrennu er bipod-
mastur fyrir pokalosun. Yfir íbúðarhæð er bru
(stýrishús) skipsins, og er gangvegur til hliðar og
framan við hana. í afturkanti yfirbyggingar er
bipodmastur fyrir hífingar á vörpu. Framarlega a
efra þilfari er niðurgangskappi og áfast honum
mastur fyrir siglingaljós.
Vélabúnaður:
Aðalvél skipsins er frá Werkspoor af gerð
TMABF 398, átta strokka fjórgengisvél með for-
þjöppu og eftirkælingu, sem skilar 1950 hö við 288
sn/mín. Vélin tengist skiptiskrúfubúnaði frá Stone
Manganese Marine (Kamewa) af gerð SP 4. Skrúfa
er 4ra blaða með 2590 mm þvermáli.
610 — ÆGIR