Ægir - 01.03.1989, Page 32

140 ÆGIR 3/89
Sjávarútvegur
Taiwan liggur suðaustur af meginlandi Kína og
samanstendur af Taiwan-eyju og áttatíu og þremur
öðrum misstórum eyjum. Eftir síðari heimstyrjöld var
efnahagur þjóðarinnar nánast í rúst en í dag er
Taiwan eitt af iðnaðarundrum heims og komið í hóp
helstu fiskveiðiþjóða.
Útgerð og aflabrögð
Fiskveiðar voru í mikilli lægð á Taiwan eftir stríð,
en um 1950 hófst samstarf við Bandaríkin um
stækkun og þróun fiskskipaflotans og vinnslunnar í
landi. Arið 1961 var fiskveiðiflotinn kominn upp í
rúm 5.800 mótorskip samtals 83.600 brúttólestir.
Heildaraflinn það árið var 312 þús. tonn sem var
fjórum sinnum meira en veiddist árið 1950. í dag eru
um 14 þús. fiskiskip af ýmsum stærðum og gerðum á
Taiwan samtals um 530 þús. brúttólestir. Heildarafl-
inn var kominn upp í rúm milljón tonn árið 1985 og
hefur enn aukist. Þetta er um ellefu sinnum meira en
1950. Taiwönsk fiskiskip sækja mikið á mið fjarri
heimaslóðum og veiða út um allt Kyrrahaf, á Atlants-
hafi, Indlandshafi og jafnframt við Suðurskautsland-
ið. Um sjöhundruð fiskiskip veiða á fjarlægum
miðum og hafa Taiwanar komið sér upp meira en
sextíu þjónustu- og vinnslustöðvum í löndum nærri
hinum fjarlægari miðum. Djúpsjávarveiðar eru
orðnar stór hluti af heildarveiðum Taiwána eða um
42 prósent. Árið 1945 veiddust á djúpsjávarmiðum
einungis 83 tonn sem var um 0.5 prósent af heildar-
veiðum. Árið 1965 voru þær komnar upp í 136 þús.
tonn eða um 35.6 prósent. í árslok 1987 voru djúp-
sjávarveiðarnar komnar í tæp 443 þús. tonn eða um
42 prósent eins og áður sagði. Hlutur djúpsjávarveiða
í heildarveiðum helstu fiskveiðiþjóða er mismunandi
eins og sjá má. Hjá Sovétmönnum er hann um 40
prósent, japönum 18 prósent og Suður-Kóreu-
mönnum 24 prósent. Einnig hefur orðið mikil aukn-
ing á veiðum á grunnslóð við Taiwan.
Framleiðsla
Um 211.000 manns vinna við sjávarútveg í Tai-
wan. Mikið er unnið í landi við verkun og fullvinnslu
Rækja og túnfiskur eru helstu útflutnings-
afurðir í sjávarútvegi Taiwana.