Ægir - 01.02.2000, Page 28

SKIPAHÖNNUN
Verkfræðistofan Fengur í Hafnarfirði:
> > > <%£ ®
a nysrrn i
- segir Bergsteinn Gunnarsson, framkvæmdastjóri og vétæknifræðingur
Verkfræðistofan Fengur ehf. í Hafnarfirði er meðal þeirra fyrirtækja sem látið hafa á
sér bera í íslenskri skipahönnun á undanförnum árum. Tvö skip eru nú í smíðum
erlendis sem stofan hannaði, annars vegar sambyggt túnfisk- og línuveiðiskip og hins
vegar fullkomið nóta- og flottrollsskip sem búið er út til veiða á síld, loðnu, kol-
munna og makríl.
Starfsmenn á
Verkfræðistofunni Feng
í Hafnarfirði.
Frá vinstri:
Hermann Haraldsson,
skipatæknifræðingur,
Stefán Guðsteinsson,
skipatæknifræðingur,
Alfreð Tulinius,
skipatæknifræðingur,
Einar Kristinsson,
véltæknifræðingur og
Bergsteinn Gunnarsson,
véltæknifræðingur.
„Það var skemmtileg reynsla og ögrandi að takast á
við túnfiskskipið," segir Bergsteinn Gunnarsson hjá
Feng en skip þetta er nú í smíðum í Kína fyrir fyrir-
tækið Istún ehf. í Vestmannaeyjum.
„Þarna er um að ræða hefðbundið línuskip með
búnaði til túnfiskveiða og þar af leiðandi gátum við
hvorki farið hefbundnar leiðir hvað línuskip snertir
né stuðst við hefðbundin túnfiskveiðiskip Japana. En
við teljum að í hönnuninni hafi tekist að útfæra gott
skip fyrir þau verkefni sem því er ætlað,“ segir Berg-
steinn.
Skipið er röskir 50 metrar að lengd og 12,2 metrar
að breidd og verður afhent í lok júlí.
Nótaskip með tveimur aðalvélum
Utgerðarfyrirtækið Gjögur hf. er eigandi nóta- og
flottrollsskips sem Verkfræðistofan Fengur hannaði í
samstarfi við Ulstein Nordvestconsult A/S Norgi og
er nú í smíðum í Chile. Bergsteinn telur skipið verða
meðal þeirra öflugustu í nótaflotanum, enda rösklega
71 metra langt og 14,4 metra breitt. „Við fórum þá
leið að hafa í skipinu tvær 3600 hestafla aðalvélar en
með þeirri útfærslu er hægt að nota aðeins aðra vélina
ef skipið er á t.d. nótaveiðum og ekki er þörf á há-
marks vélarafli. Með þessu fáum við sparnað í olíu,
minni útblástur og nýting vélanna verður skynsam-
legri. Það geta komið fram vandamál samfara því að
keyra stórar vélar til lengdar á mjög litlu álagi en við
komumst hjá því með þessari leið,“ segir Bergsteinn.
Skipið er, eins og áður er sagt, bæði fyrir nóta- og
flottrollsveiðar og búið mjög öflugum vindu- og
nótabúnaði, sjó- og ferskvatnskælitönkum. Þá verður
skipið útbúið með frystilest og frystingu bæði fyrir
síld og loðnu.
Nýsmíðin á upp á pallborðið
Auk þessara tveggja nýsmíðaverkefna eru íslensk skip
komin á veiðar að afloknum breytingum sem hannað-
ar voru af Verkfræðistofunni Feng. Þar er m.a. um að
ræða Gretti SH frá Stykkishólmi, Hafnarey SF frá
Hornafirði og Hrugni frá Grindavík. Þá hafa halla-
prófanir og stöðugleikaútreikningar ávallt verið fyrir-
ferðamiklir hjá Feng.
Þó mikið hafi verið að gera í hönnun breytinga á
skipum og bátum telur Bergsteinn sig
merkja nokkuð minni eftirspurn í
svipinn eftir breytingum á skipum en
þeim mun meiri sé áhugi útgerða á ný-
smíðum. Það geti þó verið í mögum
tilvikum mjög hagkvæmt að breyta
eða endurbyggja eldra skip frekar en að
fara í nýsmíði.
„Sem stendur virðist mér meiri
áhugi á nýsmíði skipa og mikill áhugi
á því sem þegar er komið í gang í
Kína. Utgerðir sjá að þar býðst þeim
nýsmíði fyrir talsvert lægra verð en
áður hefur þekkst og eðlilega vaknar þá
aukinn áhugi. Auknar nýsmíðar eru
löngu orðnar tímabærar, á því er ekki
vafi, ekki hvað síst í vertíðarbátaflotan-
um og nótaskipaflotanum. Miðað við
okkar reynslu af útboðs- og samninga-
ferli við skipasmíðastöðina í Kína þá
gengu þau mál mjög vel fyrir sig og
greinilega hafa stöðvarnar metnað fyrir
því að skila góðum skipum til Islend-
inga,“ segir Bergsteinn.
28