Árbók Háskóla Íslands - 01.01.1939, Blaðsíða 63
61
og má vænta að áhugi stúdenta fyrir þessari hollu og herðandi iþrótt
hafi glæðzt á vetrinum.
íþróttafélag Háskólans hafði annars eins og að undanförnu for-
göngu um íþróttastarfsemi meðal stúdenta.
Þó sótti Stúdentaráðið til Alþingis um 1400 kr. styrk til íþrótta-
starfsemi meðal háskólastúdenta. Er ekki vitað hvernig þeirri fjár-
beiðni reiðir af, en benda má á í þessu sambandi, að Háskólinn
nýtur nú einskis styrks til íþrótta frá hinu háa Alþingi, að frá-
teknum þeim 300 kr. sem greint var frá hér að ofan. Má það heita
með endemum ef svo verður framvegis.
Þá má geta þess, að enn fékkst lækkað verð á mánaðarkortum
stúdenta að Sundhöll Reykjavíkur. Sýndi Bæjarráð Reykjavíkur þá
tilhliðrunarsemi að lækka það um kr. 1.00, þannig að verð þess varð
nú kr. 4.00 í stað kr. 5.00 áður. Auk þess greiddi íþróttafél. Háskól-
ans 1 kr. af hverju mánaðarkorti, og fengu því stúdentar aðgang að
Sundhöllinni fyrir kr. 3.00 á mánuði.
Þá beitti ráðið sér fyrir að afla stúdentum afsláttar hjá verzlunar-
fyrirtækjum. Var árangur þeirrar viðleitni misjafn. Hér má nefna
að stúdentshúfuna tókst að fá lækkaða niður í 15 kr. úr 18. kr. Má
þó vænta hækkunar á henni sökum gengisfalls og annarar óáranar.
Þá tókst og að fá 25% afslátt á fargjöldum stúdenta til útlanda
með skipum Sameinaða gufuskipafélagsins. Afgreiðir Upplýsinga-
skrifstofan ávisanir á afslátt þennan sem og ávísanir á aðrar kjara-
bætur stúdentum til handa hjá einstökum fyrirtækjum.
Stúdentaskiptastyrknr var að þessu sinni veittur þeim Svavari
Hermannssyni, stud. chem. og Geir Reyni Tómassyni, stud. med.
dent., báðum til náms í Þýzkalandi, kr. 375.00 til hvors.
Þá beitti ráðið sér fyrir útgáfu Stúdentasöngbókar og fékk Isa-
foldarprentsmiðju til útgáfunnar. Af hálfu ráðsins voru kjörnir til
þess að vinna að útgáfu hennar stúdentarnir Bárður Jakobsson og
Jón Þórarinsson. Hlaut bókin nafnið Carmina Canenda og er nú
komin út og er hið vandaðasta rit.
Handbók stúdenta var og send með smávægilegum viðauka til efstu
bekkja menntaskólanna.
í Garðstjórn var kosinn á árinu Hannes Þórarinsson stud. med. í
slað Ólafs Bjarnasonar, sem lokið hafði kjörtímabili sínu.
í stjórn Lánssjóðs stúdenta áttu sömu menn sæti og áður, þeir
prófessor Ólafur Lárusson, Björn Árnason cand. juris, og fyrir hönd
Stúdentaráðs Hannes Þórarinsson.
Þá kom Stúdentaráðið á ýmsan hátt fram út á við fyrir hönd
stúdenta.