Tímarit lögfræðinga og hagfræðinga - 01.10.1922, Blaðsíða 30

24 Tímarit lögfræðinga og hagfræðinga.
orðið að miklu gagni. pað er á þessu sviði eins og ann-
arsstaðar meira umvert að hal’a góða framkvæmd lag-
anna heldur en góð lög. Aðalvandinn við framkvæmd
hlutafélagalaganna hvílir á skrásetningarvaldsmönnunum,
lögreglustjórunum. J>að, hvort lögin verða að gagni eða
ekki, er mest undir þeim komið. Annar flokkur manna,
sem miklu getur á orkað um þetta, eru málaflutnings-
mennirnir. þeir eru oftast kvaddir til ráða þegar hluta-
félög eru stofnuð, og þeir ráða í raun réttri oft mjög
miklu um það, hvernig félaginu er hagað. Á þessum
tveimur flokkum manna hvílir að miklu leyti ábyrgðin
á því, hvernig hlutafélagalögin reynast í framkvæmdinni.
Síðan þetta var ritað í apríl s. 1. hafa nokkrar til-
kynningar til hlutafélagaskrár verið birtar í Lögbirtinga-
blaðinu. Skv. 59. gr. hlfl. skyldu hlutafélög, stofnuð áð-
ur en lögin öðlast gildi, og erlend félög, er starfa hér,
tilkynt til skrásetningar fyrir 1. júlí 1922. þessu ákvæði
mun alls ekki hafa verið fylgt. Að minsta kosti hafa að-
ems örfáar tilkynningar um eldri félög verið birtar, og
þær eru um félög, sem stofnuð eru rétt áður en lögin
öðluðust gildi, og ekki höfðu verið tilkynt til firmaskrár.
Væntanlega er hér aðeins um drátt að ræða, en ekki
hitt, að vanrækja eigi þessar tilkynningar: Tilkynningar
þær, er birtar hafa verið, gefa máske vísbendingu um
það, hvernig framkvæmdin á skrásetningunni muni verða.
Og því miður lítur út fyrir að hún ætli að verða svipuð
firmaskrásetningunni. Eg hefi hér fyrir mér tilkynningar
ar 6 hlutafélaga, er birtar hafa verið í sumar. Tvær
þeirra sýnast fullnægja kröfum 12. gr. hlfl., hinar ekki.
Gallarnir eru að vísu sumir ekki stórvægilegir, t. d. það,
að staða og heimili stofnenda og stjórnenda er ekki til-
kynt. Eitt félagið hefir ekki orðið hlutafélag í heiti sínu.
í öðru er tilkynt, að formaður riti firmað ásamt 3 með-
stjórnendum, en greinir ekki frá því, hver stjórnendanna
sé formaður. Alt þetta hefði mátt varast með dálítilli
aðgæslu. Eftirtektavert er það, að í 2 félögunum er fé-