Stúdentablaðið - 01.02.2010, Síða 20

Nýir stúdentagarðar
teknir í gagnið í Fossvogi
Fyrstu íbúðirnar í Skógargörðum, nýjum
stúdentagörðum við Skógarveg 18-22 í Fossvogi,
voru teknar í notkun í desember síðastliðnum.
Næstu fbúðir verða teknar í notkun um miðjan
febrúar, en áætlað er að um mánaðarmótin febrúar/
mars verði allar íbúðirnar tilbúnar til útleigu.
Skógarvegur stendur vestanmegin við
Borgarspítalann í skjólsælu og grónu hverfi. Stutt er
í allar samgönguæðar og liggur hjólareiðastígur úr
hverfinu með fram sjónum, fram hjá Öskjuhlíð, um
Nauthólsvík og alla leið á háskólalóðina.
Skógargarðar eru eingöngu ætlaðir fjölskyldufólki
en þar er að finna tveggja til þriggja herbergja
íbúðir. Tveggja herbergja íbúðirnar eru samtals 33
og eru um 60 fermetrar. Þriggja herbergja fbúðirnar
eru 47 talsins og eru á bilinu 70-80 fermetrar.
Hverri íbúð fylgir geymsla í kjallara og í hverju húsi
er sameiginleg hjóla- og vagnageymsla. Undir
húsunum og garðinum við þau ersíðan bílakjallari
fyrir öll húsin. Líkt og aðrir íbúar stúdentagarða
njóta íbúar Skógargarða aðgangs að Netinu f
gegnum ethernet Háskólans.
Myndir og teikningar af íbúðunum má sjá á
vefsíðunni www.studentagardar.is
og eru áhugasamir hvattir til að sækja um sem fyrst.