Búnaðarrit - 01.12.1916, Blaðsíða 15

BÚNAÐARRIT
269
anna að beita sér fyrir því rnáli. Aukin ræktun lands
er eitt af því, sem tryggir góðan ásetning.
Eg kemst þá að þeirri niðurstöðu, að fjárdauðinn
1914 hafi aðallega orsakast af þessu:
að heyin voru létt og óholl,
að ormar voru með meira móti í fénu,
að mönnum mistókst með fóðrun, og að fóðurbirgðir
voru of litlar hjá sumum.
Þetta verða menn að varast, er svipað kemur fyrir
í næsta sinn, með því að hafa fóðurbæti og fóðra jafnt og vel.
Eg vildi mega leggja það til, að Búnaðarfélag íslands
hlutaðist til um það, að gerð yrði rannsókn á hröktu
heyi, til þess að hægt sé að gera sér í hugarluud, hversu
mikið fóðurgildi heyið missir við að hrekjast, og hvort
það missir við hrakninginn nokkuð frekara eitt næringar-
efni heldur en annað. Það er raunar ekki trúlegt, en þó
væri nauðsynlegt að gera rannsóknina þess vegna líka,
Nákvæmlega verður ekki hægt að gera þessa rannsókn,
af því heyin hrekjast svo misjafnt. En það má fara nærri
um það, með því að rannsaka vel verkað og mjög hrakið
hey af sama blettinum.
Hér fer svo á eftir tafla, sem sýnir fóðurgildi margs-
konar fóðurtegunda eftir norskri rannsókn á fóðri. Taflan
er tekin upp úr: K. K. Heje : Lomme-Almanak for Land-
mænd og Skovbrugere 1915.
Gæði heysins í töflunni munu vera svipuð og hér,
nema ef vera kynni að meðal-taðan væri hér ofurlítið
betri. Eins og menn sjá, er ekkert minst á súrhey 1
töflunni; en það er af mörgum talið, að þurfa muni
3 til 3,5 kg. súrheys til að jafngilda 1 kg. af þurru heyi
samkyns. Ekki er heldur minst á fóðurgildi lýsis. Um
það vita menn satt að segja ógerla. En sé það geflð með
vondu heyi eða léttri beit — t. d. 1 matskeið hverri
kind á dag — má lítið draga af fénu fyrir það. Með
góðu heyi er minni þörf að gefa lýsið, en þá mætti frekara
draga af fyrir því eitthvað. Nú sem stendur er verið að