Búnaðarrit - 01.01.1983, Page 247
BÚNAÐARÞING
241
Þessum áföngum ber að fagna, en þá má hitt ekki
gleymast, að margt er enn óunnið á þessum vettvangi og
sumir þeirra þátta, er settir voru fram í áðurgreindri
ályktun, eiga enn langt í land. Félagsleg aðstaða bænda og
annarra þeirra, er í sveitum búa, er hvergi nærri sambærileg
við þá, sem aðrir landsmenn njóta, og enn skortir mikið á,
að jafnræði ríki, hvað snertir möguleika til menntunar og
aðgangs að hinni opinberu þjónustu og stjórnsýslukerfi.
Þingsályktunartillögur þær, er nú liggja fyrir Búnaðar-
þingi, annars vegar frá landbúnaðarráðherra, hins vegar frá
Agli Jónssyni, alþingismanni, hníga báðar í sömu átt og
hafa í öllum meginatriðum sömu stefnumót og fyrrgreind
ályktun Búnaðarþings frá 1979.
í báðum tillögunum er lögð áherzla á, að búvörufram-
leiðslan miðist sem mest við þarfir innlenda markaðarins,
en þó sé jafnan fullt tillit tekið til byggðasjónarmiða og
þarfa iðnaðarins fyrir hráefni í formi ullar og skinna. Báðir
leggja áherzlu á trausta búsetu og að komið sé í veg fyrir
byggðaröskun og báðir benda á uppbyggingu nýrra bú-
greina í því augnamiði. Þá er í báðum tillögunum lögð
áherzla á, að menningar- og félagsleg réttindi bændafólks,
svo og tekjur, séu sambærileg við það, sem aðrar stéttir
njóta. Efnislega ber tillögunum naumast á milli, þótt
framsetning og túlkun einstakra efnisliða sé breytileg og
ályktanir dregnar á mismunandi vegu. í báðum tillögunum
er byggt á mikilli gagnasöfnun, einkum þó í tillögu ráð-
herra, þar sem geysimikill fróðleikur er saman kominn um
stöðu landbúnaðarins og framleiðslu hans síðustu áratugi.
Þar sem hér er um umfangsmikið mál að ræða, sem tekur til
allra þátta landbúnaðarins, er mikilvægt, að fulltrúar
bændasamtakanna gefi sér tóm til að gaumgæfa það frá
öllum hliðum. Það er vitað, að ýmsar skoðanir eru uppi um
framkvæmd þeirra sjónarmiða, sem hér er fjallað um. Svo
mun ætíð verða, er um er að ræða mál, sem snertir hag og
afkomu jafnmargra. Um meginmarkmiðin er hins vegar