Búnaðarrit - 01.01.1983, Page 249
BÚNAÐARÞING
243
b) 13. kafla um stjórn veiðimála og eftirlit, en þar er m. a.
lagt til, að niður falli aðild Hafrannsóknastofnunar að
Veiðimálanefnd, en í staðinn komi fulltrúi frá eldis-
stöðvum og enn fremur, að veiðieftirlit hins opinbera
verði aukið og því skipað með nýjum hætti. A því er
talin brýn þörf vegna vaxandi ásækni í ófrjálsa veiði.
c) 14. kafla um fiskræktarsjóð, en þar er m. a. kveðið á
um stofnframlag ríkisins til sjóðsins, er einvörðungu
verði notað sem útlánsfé, gjald á fiskeldi og hækkað
gjald á rafvirkjanir. Má vænta þess að tekjuauki þessi,
ef lögfestur yrði, styrkti mjög getu sjóðsins til að sinna
verkefnum sínum.
Hér verður ekki drepið á fleiri atriði frumvarpsins, en
vísað til þess og athugasemda. Með það í huga, hversu góð
samstaða hefur náðst um þessa lagasmíð, telur búfjár-
ræktarnefnd varhugavert, þó að tími hefði verið til, að
Búnaðarþing fari að brjóta frumvarpið upp og gera við það
athugasemdir og breytingartillögur í smáum atriðum og
stórum. Er því þó ekki að neita, að nefndinni hafa verið
kynntar aðfinnslur við suma kafla frumvarpsins, einkum þá
sem fjalla um friðun fiska og veiðiaðferðir og veiðarfæri. Er
þá talið, að ákvæði laganna séu óþarflega þröngur stakkur
eðlilegri nytjun fiskstofna, einkum silungs, og þyrftu að
breytast í frjálsræðisátt. Nú liggur fyrir Búnaðarþingi
ályktun um nýtingar- og markaðsmál silungsveiði, og er í
henni gert ráð fyrir, að leitast verði við „að finna tæknilega,
fjárhagslega og félagslega lausn á framkvæmd og skipulagi
veiðanna“. Pess ber að vænta, að á þessu sviði verði
ötullega unnið á næstunni og leyst úr ýmsum spurningum
varðandi heppilegustu nytjun fiskstofna, hagkvæmni
veiðarfæra og veiðibúnaðar og sambúð laxveiði og silungs-
veiði á einstökum vatnasvæðum. Kynni þá innan skamms
að mega meta, hvað eðlilegt væri að rýmka um ákvæði
laganna, eða hvort undanþáguheimildir, sem nú eru fyrir
hendi í frumvarpinu, nægja til, að fullri hagkvæmni verði
náð.