Búnaðarrit - 01.01.1983, Page 313
STEFNUR í SAUÐFJÁRRÆKT IIÉR Á LANDI 307
tugina hefur sauðfé bændaskólabúanna og tilraunastöðv-
anna verið notað til ýmiss konar tilraunastarfsemi undir
stjórn búfjárræktarkennara og sérfræðinga hjá Rala.
Stefnan í fjárrækt hjá þeim kynbótabúum, sem eru í
bændaeign, hefur jafnan fylgt í megindráttum stefnu
sauðfjárræktarráðunauta Búnaðarfélags íslands, og hafa
því orðið nokkrar breytingar í ræktunarstarfinu við ráðu-
nautaskipti, en því er síður til að dreifa með bú þau, sem
eru undir yfirstjórn sérfræðinga Rala.
Sauðfjárræktarráðunautar B.í. hafa á hverjum tíma
reynt að sveigja stefnu eða stefnur í sauðfjárræktinni inn á
þá eða þær brautir, sem hver þeirra taldi réttasta. Hafa þeir
með sauðfjársýningum, aðallega hrútasýningum, svo og í
ræðu og riti, reynt að fá bændur til að fylgja þeirri stefnu,
sem þeir beittu sér fyrir, en höfðu þó ekkert einræðisvald,
sem betur fer. Hafa því sumir bændur lítið sem ekkert farið
að ráðum ráðunauta, en aðrir fylgt þeim sem best þeir gátu
og allt þar á milli.
Skal nú farið nokkrum orðum um stefnu þeirra sauðfjár-
ræktarráðunauta Búnaðarfélags íslands, sem starfað hafa
svo lengi, að þeir geti hafa haft mótandi áhrif á fjárrækt í
landinu. Nokkrar búfjársýningar voru haldnar, einkum á
Suðurlandi og Miðnorðurlandi, á árabilinu 1874-1911.
Þessar sýningar voru haldnar fyrir allt búfé og kemur ekki
fram að dómarar hafi beitt sér fyrir ákveðinni stefnu í
sauðfjárrækt, þó án efa hafi þeir gert gagn með því að
benda á úrvals einstaklinga.
Þrír fyrstu búfjárræktarráðunautar B.I voru alhliða, þ. e.
attu að leiðbeina um ræktun og fóðrun allra búfjártegunda.
Þeir voru Guðjón Guðmundsson, frá 1902—1908, Sigurður
Sigurðsson, sem tók að sér leiðbeiningar um sauðfjárrækt
frá 1908—1910, með stórgriparæktinni, sem hann vann
lengi við, og 1910 réðist Ingimundur Guðmundsson í starf
búfjárræktarráðunauts, en tell frá 1912. Þessir þremenning-
ar munu vafalaust hafa vakið bændur til gagnlegrar untfjöll-