Búnaðarrit - 01.01.1983, Page 332
326
BÚNAÐARRIT
þótt ætlast væri til að báðir ynnu ýmis störf sameiginlega og
gætu báðir svarað og leiðbeint bændum um öll svið
sauðfjárbúskapar. Verkaskiptin voru fyrst og fremst þau,
að Sveinn annaðist einkum málefni kynbóta sauðfjár og
hafði um leið umsjón með fjárræktarfélögunum, uppgjöri
skýrslna þeirra og annaðist afkvæmarannsóknir á hrútum,
en Árni hafði aðal veg og vanda af leiðbeiningum um fóðrun,
húsvist og hirðingu sauðfjár árið um kring og annaðist
aðalframkvæmd sauðfjársýninganna og að niðurstöður um
þær væru birtar, en Sveinn skyldi vinna með Árna að
dómum á sýningum, eftir því sem tími hans leyfði, og þeir
báðir að leiðbeina um fjárval og ræktun þess.
I aðalatriðum fylgdu þeir Árni og Sveinn sömu stefnu í
sauðfjárræktinni og gert hafði verið, þótt þeir legðu mis-
mikinn þunga á sum atriði samanborið við það, sem ég
hafði gert. Árni tók í dómum harðara en ég á ýmsum
smágöllum og það nokkurn veginn jafnt, hvort um lélega
eða kostamikla kind var að -fæða, hann fordæmdi t. d.
hnífilhyrnda hrúta og fótagalla, hvernig sem þeir voru, og
þótt hann fylgdi í megindráttum sömu kröfum og ég hafði
gert til I. verðl. hrúta, þá hreifst hann minna en ég af
samanreknum, lágfættum holdahnausum. Sveinn lagði
minna upp úr gildi einstaklingsdóma en Árni og aðrir á
undan þeim höfðu gert, en lagði því meira upp úr eigin-
leikum, sem hægt var að vinna úr skýrslum fjárræktarfélag-
anna í tölvu, er mæla skyldi frjósemi og vaxtarhraða. Á
Ráðunautafundi 1977 hélt hann því fram, að íslenska féð
hefði verið kynbætt svo mikið síðustu 30—40 árin með tilliti
til vaxtarlags og kjötgæða, og nú væri svo lítill gæðamunur á
I. verðlauna og þriðju verðlauna hrútum, að varla væri
ástæða til þess að leggja í þann kostnað, sem sýningum
fylgdi til þess að reyna að bæta kjötgæði meira en orðið
væri. Þótt þessi skoðun nyti ekki meirihlutafylgis, þá var
samt auðheyrt, að ýmsir yngri kandidatar, sem lært höfðu
hóperfðafræði, lögðu lítið upp úr útlitsdómum á sýningum