Búnaðarrit - 01.01.1983, Page 419
FÓÐUR ÁA Á MEÐGÖNGUTÍMANUM
413
Aðeins skal á það minnst, að ætíð er ástæða til að hafa
vakandi auga fyrir þeim möguleika, að um skort þessara
efna geti verið að ræða. Skortur á þessum efnum getur á
skömmum tíma valdið tilfinnanlegu og óbætanlegu tjóni sé
ekki ráðin bót á honum strax.
í 1. töflu eru sýndar tölur um næringarþarfir fyrir
íslenskar ær samkvæmt þeim tölum, sem leiðbeiningaþjón-
ustan hér á landi hefur notað. Fóðurþarfatölur þessar eru
ákvarðaðar með hliðsjón af erlendum fóðurþarfatöflum og
tilraunum og innlendum fóðrunartilraunum. Eins og fram
kemur eru þessar tölur miðaðar við 60 kg þungar ær.
Viðhaldsþörf ánna vex í hlutfalli við stærð þeirra. Með
nægjanlegri nákvæmni má þar miða við, að dagleg fóð-
urþörf breytist um 0,1 FE á dag fyrir hver 10 kg í lifandi
þunga.
1. tafla. Næringarþörf fyrir ær á ýmsum skeiðum.
FE Melt. prót., Þörf á grip á dag P, Ca, Mg, g g g g K, g Na, g
Ær (60 kg lifandi vigt): Tilviðhalds 0,6 50 3,5 4,5 0,7 7 1,0
Á síðustu 6—12 viku fyrir burð (tvíl.) . 0,8 90 5,5 6,5 1,1 10 1,3
Á síðustu 2 vikum fyrir burð (tvfl.) 1,1 120 7,5 8,5 1,3 13 1,8
Einlcmba cftir burð 1,3 170 9,0 11 2,8 18 2,5
Tvflcmba cftir burð 1,7 225 10 13 3,1 23 3,0
Fósturvöxtur hjá sauðfé hefst ekki að verulegu marki fyrr
en á fjórða mánuði meðgöngu. Á síðasta hluta meðgöngu-
tímans er fósturvöxtur aftur á móti mjög ör. Fóðurþarfir
ánna aukast því mjög á þessum tíma til að mæta þessum
aukna fósturvexti.
Á grundvelli víðtækra tilrauna hafa Bretar á síðustu árum
sett fram tiltölulega nákvæmar tölur um fóðurþarfir til
fósturvaxtar á síðari hluta meðgöngutímans hjá sauðfé.
27